北京樓 (太古廣場)

營業中

休息中

話說同太太行完PP，見北京樓無咩人就入去食少少野.一黎個服務員態度已經唔好，求其擺低份menu。之後上菜又係求其擺低，最激氣就係上炸黃花魚，問都唔問就將兩條魚各掃落我同太太既碟。其實檯唔夠位擺，要直接分到客人碟上面，我可以理解，但係最起碼都問問下啦。講返啲嘢食，黃花魚幾好味。個榨菜肉絲餅同埋蝦豆腐真係唔得，啲豆腐無咩溫度，好似一早整好跟住求其淋啲有溫度既汁，味道都好一般。最後執檯個服務員唔小心掃左啲野食落地，又無咩反應，掃都唔掃下地，都唔知想點。真係唔會再食北京樓，有信用卡優惠都唔去。