新香園

營業中

休息中

點咗一杯熱鴛鴦，招牌蛋牛治，小食瑞士汁雞翼 同埋西多士。 整體上不過不失，招牌蛋牛治不算有驚喜，只係屬於好普通好普通級別。瑞士雞翼係即叫即做，所以呢個原因瑞士汁只係停留在表面，裏面只係有種白烚雞嘅感覺。而西多士就十分難食到無法接受！！入口已經有種重新再炸嘅口感，麵包中間完全冇醬料，而大家見到黃色嘅，係蛋漿未經過完全煮熟嘅狀態， 麵包睇起嚟好薄嘅原因，係由過多嘅油份做成，估計烹調過程出現問題。其實我都有向職員小姐反應，但遺憾未有做出任何反應，只係事後道歉幾句，講會作出改善，呢啲咁嘅敷衍答案，真係令到一間老牌茶餐廳失色，冇哂人情味。 最後總結呢間只係得個名嘅茶餐廳