影片
更多
2019-10-01
667 瀏覽
餐廳喺狗狗美容店附近，放低咗佢唔想行太遠，見到這間西式cafe，裝修簡潔、餐牌選擇頗多所以就入去一試，點知後悔莫及。入座時間11:25am，坐低前職員表示早餐時段已經完結，午餐12pm先開始，可以睇定餐牌一陣幫我地落單。未嚟過所以諗住嗌啲比較安全嘅選擇例如意粉，男朋友叫咗「卡邦尼意粉」、熱咖啡，我點咗「白松露油牛肝菌炒意粉」、跟餐飲品加錢轉咗錫蘭紅茶。10分鐘後職員端來錫蘭紅茶，我飲咗啖，已經覺得好疑惑，點解同茶餐廳用茶膽沖、送俾你嗰杯茶（啲人通常用嚟洗餐具）味道咁相似⋯⋯？男朋友飲完表示有一樣感覺。隔咗一陣職員幫我地上主菜，Carbonara賣相非常一般，白汁味道好淡，完全做唔到Carbonara醬汁嘅rich同creamy，火腿亦都食得出非常廉價，超市買嘅即食pasta都出色過佢⋯⋯點知一山還有一山高，松露意粉簡直係災難級。第一眼望落去已經見到好多三色椒，松露（油）本身味道已經唔重，係取其香，放三色椒已經係九唔搭八，而且搶哂松露嘅味道。但見到意粉上面松露醬頗多，即管試吓啦。一食落去，我以為我味蕾失靈，點解完全冇味道？唔止冇松露味，係甜酸苦辣鹹乜嘢味都冇，好似食緊白烚意粉咁⋯⋯食第二
入座時間11:25am，坐低前職員表示早餐時段已經完結，午餐12pm先開始，可以睇定餐牌一陣幫我地落單。未嚟過所以諗住嗌啲比較安全嘅選擇例如意粉，男朋友叫咗「卡邦尼意粉」、熱咖啡，我點咗「白松露油牛肝菌炒意粉」、跟餐飲品加錢轉咗錫蘭紅茶。
10分鐘後職員端來錫蘭紅茶，我飲咗啖，已經覺得好疑惑，點解同茶餐廳用茶膽沖、送俾你嗰杯茶（啲人通常用嚟洗餐具）味道咁相似⋯⋯？男朋友飲完表示有一樣感覺。
隔咗一陣職員幫我地上主菜，Carbonara賣相非常一般，白汁味道好淡，完全做唔到Carbonara醬汁嘅rich同creamy，火腿亦都食得出非常廉價，超市買嘅即食pasta都出色過佢⋯⋯
點知一山還有一山高，松露意粉簡直係災難級。第一眼望落去已經見到好多三色椒，松露（油）本身味道已經唔重，係取其香，放三色椒已經係九唔搭八，而且搶哂松露嘅味道。但見到意粉上面松露醬頗多，即管試吓啦。
一食落去，我以為我味蕾失靈，點解完全冇味道？唔止冇松露味，係甜酸苦辣鹹乜嘢味都冇，好似食緊白烚意粉咁⋯⋯食第二啖，有味道啦，不過全部係三色椒嘅味。再試吓啲牛肝菌，無一塊係完整，而且都係一啲味道都冇，我食多兩啖已經頂唔順，從來都未係餐廳食過咁難食嘅嘢。
（冇味嘅）松露意粉$108未加一，午餐來講絕對唔係平，咁嘅質素就算唔使錢都真係唔會食，永遠blacklist。
白松露油牛肝菌炒意粉
$108
13 瀏覽
0 讚好
0 留言
張貼
