佐賀山田‧燒肉

營業中

休息中

食初夏放題$178，有53品好似好多，實際得4款肉，仲要每款肉都難食到不可思議，啲牛冇味難咬冇油脂，好似食擦膠咁。自助吧只有雪糕飲品+中華沙律個啲19冷盤小食麻麻，得個紫菜飯係好食，成餐要靠個飯+飲品勉強吞啲肉落肚冷氣偏凍，吹風口成程吹住你個頭，催促你快啲埋單走人明明已經唔係最平$138既套餐，點解可以咁難食。$178只有啲低質素既肉，難食到令我諗番起安平燒肉，啲肉又係咁差。成個屯市咁多好野食，真係唔好貪佢少少平就入去食，食完心情難受，同價錢去食牛摩燒肉LIKE仲好。