三津湯包

營業中

休息中

今日經過一間好多人排隊嘅小店，見到咁多人排隊，心諗應該唔錯，於是跟住排隊試吓。我叫咗個粟米湯餃同生煎包，結果兩樣嘢都令我大失所望。首先，粟米湯餃個皮勁厚，湯底味道奇怪，酸酸地，完全唔知係咩味，食落去真係有啲難頂。而生煎包個皮同樣厚到離譜，完全冇咩口感可言，餡料亦都唔夠香，整體水準真係令人失望。更令人無奈嘅係，收錢嗰位阿姐態度極差，語氣躁底，完全冇禮貌。排咗咁耐隊，最後竟然叫我哋去第二度等，指示又唔清晰，搞到人好混亂。俾錢買嘢仲要受氣，真係買難受。其實呢間嘢又唔係特別平，食物水準又差，服務態度更加係扣分。總結嚟講，真係唔值得特登去試，慳返啲時間、金錢同個胃好過。