更多
2021-04-01
64 瀏覽
一個識咗一段時間嘅朋友,最近知道佢原來係可以食得辣,當然我唔會放過呢個搵一一齊食辣嘅機會,於是就造就左今次嘅四川飯局。呢間餐廳我同朋友都係第一次嚟,上到嚟睇張點菜紙開頭都有些少唔太明,不過職員都好耐心咁樣講解一下。我哋點咗四樣嘢,包括大辣嘅辣子肥腸加咗有機花菜同雞軟骨、中辣嘅手撕包菜、大辣嘅毛肚、大辣嘅金牌酸辣水晶粉,先上咗個手撕包菜,味道都幾好;跟住上咗個毛肚,夠麻得嚟仲要好爽口,好食到停唔到口;大辣嘅辣子肥腸入面有豬大腸&豬小腸,小腸炸到脆卜卜好似食緊薯片咁;酸辣水晶粉啲粉好煙韌好好味。
張貼