安平燒肉

營業中

休息中

最近聽朋友推介安平燒肉推出「威士忌系列」，120分鐘任飲任食，身為肉食控既我緊係要去食啦！點左威士忌醬烤鳳梨內群柳、威士忌醬烤鮑魚、威士忌冬瓜茶、威士忌醬烤芝麻牛舌片同埋威士忌烤九層塔雞軟骨。原來宜家可以係自助區自己整安平櫻花蝦飯自助區有櫻花蝦、香蔥、海苔、蒜片同秘制台灣滷水汁等配料揀。櫻花蝦本身有埋香濃蝦汁配埋熱辣辣白飯冇得彈。套餐仲有多款頂級肉類比我哋揀，例如M5和牛，SRF極黑牛，秘制牛肋條同蘭王蛋月見牛等。全部牛嘅肉質都好鮮嫩，油脂均勻，油而不膩，M5和牛仲入口即融。除左一片片嘅牛舌，仲有好特別嘅一條條牛舌芯。每條都好厚，咬落好有口感，充滿油香。燒肉配埋餐廳提供嘅唔同醬汁。除左牛，仲叫左海鮮，例如鹽蒜燒生蠔，燒帆立貝同虎蝦 。全部海鮮都好鮮甜，每一隻都大大隻，口感十足。今次甜品仲包左一杯Häagen-Dazs雪糕，另外叫左個薑汁芋圓豆腐布丁杯，薑汁味好濃，豆腐布丁好滑，本身唔算好甜，加埋薑汁好好食，芋圓就好煙韌。