影片
更多
2017-09-25
2243 瀏覽
我從未打過食評，但為了表示我對這店--The French Table 的欣賞和支持這店，我打了這篇食評。打得唔夠好，大家見諒。昨晚我老公生日，我訂了位為我老公慶祝和食晚飯。入到去被安排座到近窗口位置，環境好舒適好靚又有情調，老闆好有禮貌為我地介紹。我地揀左5道菜的Menu，二前菜，湯，Main，甜點。食完熱騰騰香噴噴既包包後，老闆好細心地問我地係咪share食，我地話係，佢就好靚靚的把二人的份量都放在一起，份量仲好足！全晚最最最特別特別欣賞--"鵝肝黑松露意式雲吞", 和"煎鵝肝"！好耐冇食到令我這麼回味的鵝肝和雲吞，好想再食，繼續食…係咁食…老公都大讚好正！另外個牡丹蝦配帆立貝，都好新鮮好好味，欣賞佢個熱情果汁！到湯，我地揀左洋蔥湯和是日推薦的魚湯（我忘記了係什麼魚），我本身想揀雜菌湯（係我最愛，去到邊一有湯都會揀），不過既然老闆推薦，我信佢！魚湯，飲完，二個字--欣賞！個魚湯真係堅好飲，好濃郁的魚香味，好鮮甜，一點腥味都冇，老闆話入面加左d薯蓉令口感更濃滑，佢一d都冇講錯！Main，其實到湯嗰一part，我已經食到忘記左影相，太沉醉在當時的氣氛和美食中我揀左老闆推薦既焗鴨脾，老公
昨晚我老公生日，我訂了位為我老公慶祝和食晚飯。
入到去被安排座到近窗口位置，環境好舒適好靚又有情調，老闆好有禮貌為我地介紹。
我地揀左5道菜的Menu，二前菜，湯，Main，甜點。
食完熱騰騰香噴噴既包包後，老闆好細心地問我地係咪share食，我地話係，佢就好靚靚的把二人的份量都放在一起，份量仲好足！
全晚最最最特別特別欣賞--"鵝肝黑松露意式雲吞", 和"煎鵝肝"！好耐冇食到令我這麼回味的鵝肝和雲吞，好想再食，繼續食…係咁食…老公都大讚好正！
另外個牡丹蝦配帆立貝，都好新鮮好好味，欣賞佢個熱情果汁！
到湯，我地揀左洋蔥湯和是日推薦的魚湯（我忘記了係什麼魚），我本身想揀雜菌湯（係我最愛，去到邊一有湯都會揀），不過既然老闆推薦，我信佢！
魚湯，飲完，二個字--欣賞！
個魚湯真係堅好飲，好濃郁的魚香味，好鮮甜，一點腥味都冇，老闆話入面加左d薯蓉令口感更濃滑，佢一d都冇講錯！
Main，其實到湯嗰一part，我已經食到忘記左影相，太沉醉在當時的氣氛和美食中
我揀左老闆推薦既焗鴨脾，老公也揀左老闆推薦的牛西冷。
到了，賣相雖然好似冇我地想像中咁眼前一亮，但食落，都係嗰句: 好好味呀！
鴨脾--算係我食過最好食的，外脆內軟，不會太多肥，但都有有適當的肥油位令我感受到鴨油既香酥味，大愛！
牛西冷--我老公食到好滿足，佢話平時好少食西冷，多數食肉眼，不過依碟西冷真係令佢眼前一亮，食落肥瘦平均，好平均和好香既牛脂味，五成熟，岩岩好！
食到甜品，真正的surprised，其實我之前同老闆講左我老公生日，我有請求佢寫個朱古力的happy birthday在碟上，但在當我未order甜品既時候，原來老闆已經幫我安排好曬食咩，仲整左個好靚既fruit cheese cake比我老公，d fruit 砌得好有心機，成個cheese cake整到好靚，好香既cheese味，正！
另外老闆安排左個"焗蘋果tart+朱古力雪糕"比我，我心諗，點解你又知我想食蘋果tart既？
真心好食！個tart仲熱架，再加上上面一大個朱古力雪糕，Tart又脆又好香蘋果味，中間有一片片既蘋果片-清甜，超正！😂😋
另外，同你講個秘密，因我本身order既茶咁岩賣曬，老闆好好，另送左壺好香既蘋果茶比我飲，好sweet，多謝你老闆，有一個完滿的晚上，感恩！
一定會介紹比朋友黎食，我都會一齊再黎！
23 瀏覽
0 讚好
0 留言
張貼
