影片
更多
2020-01-05
302 瀏覽
話說黎荃灣食小吃食完第一檔好開心，當然好興奮想發掘其他好野—黎到路德圍，當然試左$3既糖水。之前見到呢間店，留意到有間善良既小食檔，會供應小食同飲品比FA同學生。呢份心意點都要用銀包去實在支持既！見到佢地有個皇后炸乳鴿，同八寶迷你盤菜，都相當期待，由於之前食左太多野，我地就揀左炸乳鴿。叫完大約等左10分鐘就有得拎，但我地感到意外既係店員既回覆我😋：唔該，可唔可以幫我斬開隻乳鴿？店員🤓：我地冇斬開呢個服務!😭😭😭禁姐係意味著，我同女朋友係街頭度，要用野人mode 你一啖，我一啖禁食乳鴿😫好在佢地有筷子供應，我唯有就用筷子去啲肉比我女朋友食，我就用野人mode 🧟♂️當街去用手同牙去撕開鴿鴿既肉。味道方面—乳鴿既肉質嫩滑，好容易比筷子🥢夾開同炸香既皮味道算幾甘香，鴿頭既腦醬非常惹味，味道有點似鵝干既口感。腦醬連著鴿頭既炸皮味道甘香，係有一番風味（姐係新鮮炸🐦味）；如果會提供埋「華鹽」就更好。隻鴿size 係拳頭左右，鴿肉好少好快食完。都算輕食黎，同叫左陳皮牛肉球，味道似酒樓。題外話—之後上網睇返蘋果話「乳鴿相對矜貴，在中醫學，就有一鴿勝九雞的說法...」同炸鴿都算係種多工序既處理，所以總體
之前見到呢間店，留意到有間善良既小食檔，會供應小食同飲品比FA同學生。呢份心意點都要用銀包去實在支持既！
見到佢地有個皇后炸乳鴿，同八寶迷你盤菜，都相當期待，由於之前食左太多野，我地就揀左炸乳鴿。
叫完大約等左10分鐘就有得拎，但我地感到意外既係店員既回覆
我😋：唔該，可唔可以幫我斬開隻乳鴿？
店員🤓：我地冇斬開呢個服務!😭😭😭
禁姐係意味著，我同女朋友係街頭度，要用野人mode 你一啖，我一啖禁食乳鴿😫
好在佢地有筷子供應，我唯有就用筷子去啲肉比我女朋友食，我就用野人mode 🧟♂️當街去用手同牙去撕開鴿鴿既肉。
味道方面—乳鴿既肉質嫩滑，好容易比筷子🥢夾開同炸香既皮味道算幾甘香，鴿頭既腦醬非常惹味，味道有點似鵝干既口感。
腦醬連著鴿頭既炸皮味道甘香，係有一番風味（姐係新鮮炸🐦味）；如果會提供埋「華鹽」就更好。
隻鴿size 係拳頭左右，鴿肉好少好快食完。都算輕食黎，同叫左陳皮牛肉球，味道似酒樓。
題外話—之後上網睇返蘋果話「乳鴿相對矜貴，在中醫學，就有一鴿勝九雞的說法...」同炸鴿都算係種多工序既處理，所以總體感覺，食到嫩滑既乳鴿都算唔錯。
但希望佢地人用「心」去照顧麻煩食客既需要，就好似電影食神入面—禾花雀既故事一樣🤣
張貼
