胡爐 (已結業)

今日悶悶地同老婆出去行下街！行到差唔多時間去睇吓有咩食啦⋯⋯⋯都無乜心水，行到厚福街見到之前成日要排隊，Book又Book唔到個間胡爐開返檔⋯⋯⋯係呀！真係開返檔，立即上去開餐啦！可能啱啱開返檔定我早去，好在有位⋯⋯遲少少🤏都爆塲，上到去咪講小，立即叫個 濃湯佛跳牆湯底先，🥘個湯底好濃好夠味😋用料十足👍，淨係飲湯同食煲裏邊嘅材料都好滿足🥰，其他配料我哋叫左❤️黃金墨魚丸（呢個好特別裏面有蛋黃），🧡黑松露墨魚丸， 都夠爽口彈牙略嫌黑松露味 唔夠，💛手工雲吞🥟， 隻🦐都夠大隻都算彈牙 💚蟹籽蝦丸， 爽脆夠咬口 💙臺灣鴨血，💜仲有好肥美嘅鵝腸，當然唔少得🥬啦，真係食到舐舐👅，環境都坐得好舒服😍，💰合理，下次一定男人幫👨🏻聚埋首選👍