Italian Tomato Café (置富第一城)

營業中

休息中

呢間連鎖餐廳以前我有幫襯過，知道佢質素唔差 ，而且都算抵食。早幾日中午食晏時段去到客人唔多，可以慢慢跟朋友邊傾計邊食晏，係香港好耐已經無見過咁清靜嘅餐廳環境了。店員服務好有禮貌，又俾我地隨意揀位坐，又不停幫客人添暖水。蕃茄雜菜湯味道濃郁，湯底足料。煙三文魚菠菜忌廉意粉，意粉煮得彈牙，醬汁又唔會太乾或者太濕，十分好味。蒜香欖油意式風乾火腿意粉，蒜香味濃配合鹹香惹味嘅西班牙火腿，每條意粉都入晒味。唯獨係杯咖啡真係麻麻地，無乜咖啡香味而且飲落苦得有啲澀口。