翠園

營業中

休息中

今朝收到電話，因為人數不足，唔使去做part-time，咁啱朋友話攞啲手信俾我，咁我就唔再番瞓，叫老公瞓醒就出去酒樓搵我，我見翠苑唔需要攞飛都有位，就出咗去開定茶等佢哋，因為我朋友趕時間關係，我就預先嗌咗嘢食等佢地嚟到即刻有得食，我點左百花釀魚肚，瑤柱海皇腸，今次好好食，上次叫油炸鬼有啲燶，但今次冇，龍鳯大春卷裏面有好多菜，啱晒我，雙式美點嘅鮑魚燒賣同黑金流沙包，保持一貫水準，鮑魚都幾大隻，又好林，又有鮑魚味，老公就食黑金流沙包，佢話食一個唔怕膽固醇過高，呢餐食得好開心。