翠園

這晚和友人到popcorn 翠園食晚飯，經網上平台訂了二人精緻粵菜套餐，總價$456，菜單如下：竹笙海皇燴燕窩, 叉燒拼燒鵝, 鮑魚扣鵝掌, 翡翠蝦球帶子, 金腿炒飯, 蛋白杏仁茶食物水準尚可但份量太少，尤其是「叉燒拼燒鵝」及「翡翠蝦球帶子」，每人只食到一至兩件，份量少得可憐，感覺像是在試食，頗為寒酸，亦對不住這個價格。服務方面，服務員送叉燒拼燒鵝來的時候竟忘了給酸梅醬，待我們差不多吃完才送來。另外，「蛋白杏仁茶」出餐時間略慢，需要客人催促一次才有，而且味道有點過甜。總而言之，客人付這個價格，是期望更佳的服務及食品水平，不太推薦。…查看更多

翠園位於將軍澳中心 PopFood 二樓，環境高雅，裝修走現代中式風格，週末中午去到，雖然人多，但安排得有條理，等位時間合理，唔算太誇張。我哋三個人叫咗幾款點心同主菜，包括黑金流沙包、蝦餃皇、燒賣、脆皮牛坑腩、鮮蝦腸粉等等。點心方面水準穩定，蝦餃皮薄餡靚，流沙包香甜唔漏油，牛坑腩外脆內嫩，配埋甜醬一流。腸粉滑身，蝦肉爽口，值得一讚。服務方面，職員有禮貌，落單快，出菜速度都唔錯。茶位收費合理，茶品選擇多，普洱、香片都有得揀。唯一小扣分係部分醬料味道偏淡，冇咁突出，建議可以提供辣椒醬或 XO 醬作選擇。整體而言，翠園係一間適合家庭聚餐、朋友聚會嘅中菜館，食物質素高，環境舒適，值得再訪。整體評分：4.5/5 ⭐️…查看更多

提早幾天做冬,揀左Popcorn商埸「翠園」試下!酒樓位於PopFood樓層,升降機入口比較難揾,要問下人.....一行十人,散叫主菜單,每款叫「例牌」份量應不多,又怕唔夠食,都係食套餐比較穩陣!揀左個「花膠、花尾斑套餐」,都好足料.....單尾甜品,三色豆榚同咖啡奶凍榚幾出色!整體用餐愉快,食物同價錢成正比,服務亦唔错,服務員工作勤快,可能係閒日關係,全晚入座率九成,四至六位walk in亦冇問題,人數多就最好提前預留大枱!…查看更多

今次同埋屋企人一齊食四人大閘蟹套餐 把握食時令陽澄湖大閘蟹 錯過要等下年 ______________________________< 4人大閘蟹套餐>/ 清蒸江蘇大閘蟹•四隻/ /白切蒙古羊/ /蟹粉燴鱸魚羹/ /雙色鮮淮山炒蝦球/ /蟹粉扒豆苗/ /滋潤薑茶甜湯丸/< 優惠價 $1,388 四位用 • 原價$1,676 > ______________________________套餐本身跟嘅係江蘇大閘蟹 可以好似我咁樣 加錢轉做時令陽澄湖大閘蟹 肉質飽滿 打開爆哂膏 入口即化！！陽澄湖蟹係最頂級•附紅標防偽扣嘅大閘蟹 每隻陽澄湖蟹都有官方唯一認證 紅標「蟹扣」 上菜個時仲好貼心咁放埋喺旁邊🤣🦀另外其他菜式都好高質 屋企人都大讚 四人份剛剛好 仲有埋薑茶湯圓暖胃祛寒 餐廳環境亦好寬敞 一家大細都好適合______________________________ …查看更多

星期六起身，見唔使等位，就過嚟飲早茶。一到達，安排入座。茶客唔多，相對清靜舒適，可以慢慢嘆茶。點了幾樣點心：鮮蝦腸粉，一碟三條腸粉，皮薄餡靚，鮮蝦🍤新鮮彈牙。柚皮蒸鳳爪：份量適中，鳳爪正常味道，柚皮好入味。咖哩炆土魷：今時今日唔多酒樓有呢味土魷，所以叫嚟食吓。最搞笑碟底放 potato wedges，因為係蒸嘅關係，有幾舊索晒汁，已經變咗薯蓉。😂陳皮牛肉球：正常，唔粉，不作多講。棉花雞：份量充足，有雞肉及冬菇，魚肚好入味。讚！椰汁斑蘭糕：諗住點個甜品作總結，點知冇乜味道，又冇椰香味，又食唔到斑蘭味，有點失望。…查看更多