影片
更多
2020-08-06
436 瀏覽
難得午市唔使排隊，仲要仍然開鋪，試埋個豚骨湯麵先。上次第三波疫情前晚市7點來都等左一陣，大約5分鐘左右，都唔算耐。第一次來係因為朋友推介。店鋪門面唔係好突出，經過都唔會特別覺得：咦，好似幾特別，不如入去試下果種。整所店舖不大，第一次來時覺得特別奇怪，點解係灣仔/銅鑼灣呢d咁多選擇既地區，菜單就只有兩款拉麵，仲以為自己睇錯：1. 蝦味噌拉2. 豚骨湯拉麵所以第一次來真係唔會考慮豚骨湯拉麵。話說以前試過豚骨湯拉麵，一直比我印象係太油太多味精，食個時好味，食完不時都口渴又後悔，比較覺得接受到既係一蘭，其次係豚王，其他朋友推介甚至網上多讚試過既都強差人意。我肯定自己唔係大眾味素同樂會會員，好未？ 如果食慣杯麵既你可能覺得我唔識貨，下文唔岩睇都唔定。但係我唔想比貴杯麵幾倍價錢堂食味素喎，希望呢個要求唔算過份啦。一蘭可能視豚肉為珍品，加一塊比豚王還要乾同唔滑既豚肉，貴到我明白自己唔唔夠努力賺錢，不過係死窮鬼一名，肉痛又覺得唔值。不過佢個湯同麵係講究到無得輸，事實證明原來只得一味（加埋佢市場營銷策略）都可以再令人再返去支持(當然環境氣氛名聲都係因素)。豚王义燒選貨好寞一蘭好，湯較油但濃味，糖心蛋又好
上次第三波疫情前晚市7點來都等左一陣，大約5分鐘左右，都唔算耐。
第一次來係因為朋友推介。店鋪門面唔係好突出，經過都唔會特別覺得：咦，好似幾特別，不如入去試下果種。整所店舖不大，第一次來時覺得特別奇怪，點解係灣仔/銅鑼灣呢d咁多選擇既地區，菜單就只有兩款拉麵，仲以為自己睇錯：
1. 蝦味噌拉
2. 豚骨湯拉麵
所以第一次來真係唔會考慮豚骨湯拉麵。
話說以前試過豚骨湯拉麵，一直比我印象係太油太多味精，食個時好味，食完不時都口渴又後悔，比較覺得接受到既係一蘭，其次係豚王，其他朋友推介甚至網上多讚試過既都強差人意。我肯定自己唔係大眾味素同樂會會員，好未？ 如果食慣杯麵既你可能覺得我唔識貨，下文唔岩睇都唔定。但係我唔想比貴杯麵幾倍價錢堂食味素喎，希望呢個要求唔算過份啦。
一蘭可能視豚肉為珍品，加一塊比豚王還要乾同唔滑既豚肉，貴到我明白自己唔唔夠努力賺錢，不過係死窮鬼一名，肉痛又覺得唔值。不過佢個湯同麵係講究到無得輸，事實證明原來只得一味（加埋佢市場營銷策略）都可以再令人再返去支持(當然環境氣氛名聲都係因素)。豚王义燒選貨好寞一蘭好，湯較油但濃味，糖心蛋又好食，價格比一蘭相宜。
豚骨湯拉麵
$75
17 瀏覽
0 讚好
0 留言
麵匠風龍呢間唔起眼既拉麵店竟然做到同一蘭超水準別樹一幟既湯底，拉麵質感軟硬適中，豚骨湯完全唔油膩，奶白平順，平時唔會主動飲湯底既我都忍唔住飲左更多。不過麵底太大份，我估一般女士會好似我咁食唔晒。麵既木耳係鋪蓋成個20cm左右直徑既碗面，第一次見到咁震撼既蔬菜感，尤其一般香港拉麵店對蔬菜特別吝嗇。係台上仲有一樽任添既辣銀芽，鐘意食辣既人加入麵食好野味，應該唔會好似我咁傻仔齋PAK.. 都幾辣架~ 睇得出小店就住佢本來應有既TOPPING FUNCTION調味，誤以為係SIDE DISH既我只可以執返咋沙咁講：呢個係美麗既誤會。
芽菜、豚肉、餃子連麵既套餐
$105
23 瀏覽
0 讚好
0 留言
利申：第一次食完個蝦味噌麵，覺得麵同小龍蝦蟹子沙律好清新，喜歡食蝦真係個絕配組合，所以搜索下資料再去一次，咁先知原來店舖受歡迎都有同政治有關既故事。好多時拉麵店都好重口味，好咸，我真心唔識欣賞又唔好拉麵。不過食左麵匠風龍真係開始發覺原來拉麵可以好食架喎，所以再去試下一蘭同其他近來多人讚既店。試完咁多間都係覺得蝦味噌麵做招牌定位好，係其他地方無法重覆到佢各樣優勢：蝦米多，蝦同味噌天作之合，唔係個別味好搶，而係夾得好到無話說，對黑洞朋友來講份量大係喜訊，無日式精品料理貴夾唔飽既毛病。最重要係個麵做得好好。我本來對小龍蝦亦特別有偏見(健康理由)，不過真係好食，肉質爽同香又夠凍呢，就推介比同伴。餃子今次比上次煎得好食，溫度好，又不油膩，涵調味同肉菜比例剛好。
同店主吹個水，發現佢好謙虛，唔想以政治色彩定位使招來，只係想做番麵店本來要做到佢應有既質素。店主佢係特登去日本拜師，係香港獨自計劃好營運流程。對於疫情搞外賣拉麵，佢明白唔可以留住有要求既客，因為外賣完返去個麵溫度，浸湯時間完全控制唔到，會直接影響客人對麵食既感受。疫情政策來得又快又急，佢又唔會一成不變，正默默研究對策。
每個細節位都見到店長好關懷顧客：呢兩個星期政府落左二人限聚，見每兩個位都有一枝搓手液。一開始坐低就比個信封我地放口罩，提提我地座位後牆身有排架可以掛袋。無大機構既財力，實而不華既裝潢同菜單，營銷策略好似摸索既startup感，對顧客親切，用口碑留住人心。咁反而好似係日本食過地道樸實又異常愜意既拉麵店，比人一個稍歇充電的空間，再去上路的温暖小店。惟一希望個菜單印刷清晰D，我怕自己老花睇唔清。
張貼
