大快活

營業中

休息中

雖然大家樂同大快活賣嘅嘢差唔多，而且創辦人仲要係兩兄弟，但我一直都覺得後者及不上前者。大快活無論喺食物質素、價錢到選擇都比大家樂遜色，往往都係照抄大家樂嘅策略，所以始終都只係做阿二。今次九點後去幫襯買外賣，收銀話已經無燒味賣，再睇餐牌都只係得好少嘢揀，同一樣嘅嘢用唔同汁與及唔同整法就當係唔同選擇，實在係有啲魚目混珠。最後叫咗個粟米班塊，雖然係跟湯跟茶，但價錢都唔平，而味道又唔算特別好。雖然大家樂近來嘅質素下降，但大快活都不見得可以迎頭趕上，單係廣告已經差人一截。人家有俊男美女宣傳，佢哋就搵個杜生嚟，淨係形象都輸晒。