影片
更多
2012-06-24
28 瀏覽
此店收晚上九時，但貴為近期火熱食店，為免心水甜品當日沽清，放工後就直接前往。星期三晩約七時到達，店內當時約八成滿 。店內供應食品精美吸引，款式選擇多，有自家製法式麵包、沙律、三文治、pastry、件裝蛋糕/甜品，甚至亦有鳥結糖，朱古力出售。以玻璃飾櫃陳列，供應款式一目了然。店內走高檔型格路線，購食品後再自行找位置。原先已打算一試 Mango Mont Blanc & Tiramisu, 但當日 Mango Mont Blanc 已沽清，無緣一試，最後選了Tiramisu及Opera a L' Orange 作為飯前甜品~~~Tiramisu($38) - 以長方形杯形式出品，表面用上 coco 粉印上自家店名 Passion 的"P"作為印記。一如其他食家所形容，mascorape打得幼滑，甜度亦唔高，整體相當濕潤，但最底層嘅lady finger亦唔會因浸透了咖啡酒嘅關係而攪到一pat野咁，食到最底仍可見到有少許的咖啡酒殘留於杯內。好味!!!! 長方形杯也相當吸引，印有自家logo,下次外帶的話，將之帶回家放桌上裝小物用／用作製作甜品也不錯！Opera a L' Orange ($3
店內供應食品精美吸引，款式選擇多，有自家製法式麵包、沙律、三文治、pastry、件裝蛋糕/甜品，甚至亦有鳥結糖，朱古力出售。以玻璃飾櫃陳列，供應款式一目了然。店內走高檔型格路線，購食品後再自行找位置。原先已打算一試 Mango Mont Blanc & Tiramisu, 但當日 Mango Mont Blanc 已沽清，無緣一試，最後選了Tiramisu及Opera a L' Orange 作為飯前甜品~~~
Tiramisu($38) - 以長方形杯形式出品，表面用上 coco 粉印上自家店名 Passion 的"P"作為印記。一如其他食家所形容，mascorape打得幼滑，甜度亦唔高，整體相當濕潤，但最底層嘅lady finger亦唔會因浸透了咖啡酒嘅關係而攪到一pat野咁，食到最底仍可見到有少許的咖啡酒殘留於杯內。好味!!!! 長方形杯也相當吸引，印有自家logo,下次外帶的話，將之帶回家放桌上裝小物用／用作製作甜品也不錯！
Opera a L' Orange ($36) - 則是Opera的變奏版，朱古力濃度不算好高，跟橙味配合得唔錯，不會喧賓奪主。opera中間有一層橙皮醬，作為變奏的重點，橙醬不會過甜，而最面層的朱古力薄片亦做得很出色 ，薄薄一片令到整件甜品可以輕易咁用叉由最頂插到最底層，一次過品嘗！
除咗甜品本身有質素外，服務亦相當好，雖然只嘗兩件蛋糕，但店員亦主動詢問要唔要水，就要求了兩杯暖水，卻意想唔到店員遞上2杯有如麥記大汽水size嘅水，用上印有自家logo的高身紙杯，盡顯此店誠意。
除此之外，此店用作拿食物的墊盤，亦用上烘焙用具品牌 Baker's Secret 的產品，盡顯型格，睇得出店主對所有事情嘅認真程度相當高，連一啲detail位都唔放過!!!
唯一感覺有點不足的是，店內提供的食具就只有大匙羹及叉，用作進食以小杯出品的甜品(如Tiramisu)時，食具總覺有點不太匹配。如有夠小一點size的話，或許就會更好了。
題外話/補充資料：
此店的優勢係提供多元化的優質食品，無論係由早到晚跑進去，總會有適合嘅食物可供選擇。
但試過星期五8：30pm才跑進去，半數甜品已售罄，服務員亦準備收鋪中，所以......有意前往者, 記得要早點呀!!!
(以上食評乃用戶個人意見 , 並不代表OpenRice之觀點。)
張貼
