簡品堂

營業中

休息中

香港人對麻糬類製品嘅熱愛已經維持咗一段好長嘅時間，而且呢鼓熱潮從來冇減退過！每逢見到麻糬曲奇都忍唔住想買來試! 另外令人難以抗拒嘅包點就係斑蘭蛋糕！今日行街經過灣仔呢間麵包店各式各樣人氣麵包同曲奇，令人難以抗拒，忍唔住買黎試下！班蘭蛋糕口感鬆軟濕潤，唔似坊間一般嘅班蘭蛋糕口感咁乾。香濃班蘭葉嘅味道，質素真係拍得住星加坡食到嘅班蘭蛋糕！麻糬曲奇有四款口味，分別係綠茶味、伯爵茶味、Oreo曲奇味同埋特濃朱古力味。焗返熱佢更加好食，香脆曲奇裏面包着煙煙韌韌嘅麻糬，口感豐富而且味道唔會太甜，食多兩舊都冇咁大罪惡感呢度亦都主打多款唔同口味嘅麻糬麵包，我就試咗呢隻紫薯味道嘅。麵包口感鬆軟，裏面包著香甜嘅紫薯同煙韌嘅麻糬餡，做早餐或者下午茶就岩哂喇！❤️