川味雞烤魚大王 (隆亨商場) (已結業)

重慶麻辣雞煲半隻 $158兩個人食半隻雞都好夠，叫咗BB辣,上枱嘅時候已經聞到好香嘅雞煲味，侍應話焗一焗佢滾左再食，雞件又大嚿又滑 半隻雞好足料 😬特級雪花肥牛 $108 一碟雖然唔係有好多 但係勝在質素真係好，雪花肥瘦均勻入口即溶，未加湯之前用啲雞汁整熟來食 仲正😎新鮮鵝腸 $78 每一條都好長 口感好好而且處理得好乾淨，入邊啲肥膏都搣走晒， 食多幾條都唔怕🤣牛柏葉 $68 個拍葉件件都好大塊，就算熟咗之後都唔會縮水縮到冇晒，索埋啲雞汁，超級惹味😋墨魚滑拼蝦滑 $73兩種滑都好爽口，食到有啲蝦肉同埋墨魚肉喺入邊，好彈牙👍手包粟米餃拼黑松露餃 $48呢個簡直係必食推介，睇相都見到兩粒餃子脹卜卜肥嘟嘟，入邊嘅餡料超級足 黑松露餃好香，力推🤪🤪墨魚卜卜脆 $78佢仲有啲小食可以叫，要咗呢個其實係炸墨魚滑咁樣，雖然佢有比泰式辣醬我哋點，但係我自己就鍾意將成舊放落去啲雞汁度 好鬼正😙柚子沙冰 & 益力多沙冰 $26沙冰唔算太甜，而且都好大杯 仲有粒粒嘅柚子肉 食完辣嘢飲返啖 爽晒！