🍱 溫泉雞套餐 $63
包括雞翼、雞胸、上髀，仲配香飯、無味精靚湯同醬油小黃瓜🥒。雞肉嫩滑得嚟有雞味，食得出係低溫熟成處理，好自然香味。三色醬汁（黑醬油、辣醬、薑蓉）各有特色，尤其辣醬🔥微甜中帶辣，幾有層次。湯底清淡但唔寡，小黃瓜爽脆開胃，整體好舒服嘅一餐✨
🥬 蒜香娃娃菜 +$12
蒜香同豉油味調得啱啱好，唔會太重手，保持到菜嘅清甜，好啱配飯。
🥚 醬油糖心蛋 +$10
溏心蛋滑溜入味，蛋黃香濃，好加分。
1
🍖 桑拿瑤柱肉餅套餐 $63（轉葱油乾撈麵）
肉餅厚實多汁，瑤柱香味滲晒入肉，鹹香得嚟唔膩。乾撈麵配甜豉油同炸紅蔥，好香口，麵條粗身帶咬口，幾有驚喜😋
🍞 咖央多士 $28
多士烘得金黃香脆，抹上薄薄嘅咖央醬同牛油🧈，每一啖都係濃郁椰香同牛油香，好邪惡又好滿足🤤
1
🪑 舖頭雖然細細間，但人氣超旺💥，去到要等位排長龍。整體感覺就好似將家常菜升級咗，味道實在又有創意，難怪咁快成為熱話小店！🐓💛
