影片
更多
2019-11-06
545 瀏覽
年幾前已經同雞翼狂好友約定一齊食雞翼放題，可惜綜觀眾多雞翼專門店，一係被迫立食，一係獨沽一味只售雞翼，想好好地安坐傾計又有其他小食冇咁悶，似乎冇乜得揀。 以我地食力散叫實在唔化算，咁岩俾我見到有優惠劵$198雞翼任食放題，任食11款雞翼+6款小食+墨西哥卷，即時同好友狗衝買左。本來以為放題可以不限數目隨意叫，仲想全部口味各兩隻試試先，原來就算係雞翼放題都限左每款6隻起，惟有精選幾款試味。先叫左最受歡迎既黑芝麻蜂蜜海鮮味同新加坡辣蟹味，前者甜甜地似平時食開既ribs燒烤味好香口，後者就乾身d、微辣惹味。 雖然我唔算偏好甜味既雞翼，今晚最愛居然係黑芝麻蜂蜜海鮮味，好鐘意汁煮方式夠哂juicy入味，同時雞皮依然酥脆香口，好有層次。紐奧良香粉味(右)同燒烤味(左)就近似譚仔土匪雞翼個種烤焗後灑上味粉既做法，個人偏好紐奧良香粉味，似返平時食開港式串燒既孜然粉味，燒得岩岩好唔會太乾，簡簡單單已經食唔停口。隨意追加左近乎冇人提及既加州風味，估唔到好有驚喜。 蒜香味濃得黎面頭灑左滿滿既Parmesan Cheese，味道好豐富又有奶香，個肚仲有位既話真心想encore。值得一讚雞翼全部熱辣辣新鮮出
本來以為放題可以不限數目隨意叫，仲想全部口味各兩隻試試先，原來就算係雞翼放題都限左每款6隻起，惟有精選幾款試味。
先叫左最受歡迎既黑芝麻蜂蜜海鮮味同新加坡辣蟹味，前者甜甜地似平時食開既ribs燒烤味好香口，後者就乾身d、微辣惹味。 雖然我唔算偏好甜味既雞翼，今晚最愛居然係黑芝麻蜂蜜海鮮味，好鐘意汁煮方式夠哂juicy入味，同時雞皮依然酥脆香口，好有層次。
紐奧良香粉味(右)同燒烤味(左)就近似譚仔土匪雞翼個種烤焗後灑上味粉既做法，個人偏好紐奧良香粉味，似返平時食開港式串燒既孜然粉味，燒得岩岩好唔會太乾，簡簡單單已經食唔停口。
隨意追加左近乎冇人提及既加州風味，估唔到好有驚喜。 蒜香味濃得黎面頭灑左滿滿既Parmesan Cheese，味道好豐富又有奶香，個肚仲有位既話真心想encore。
值得一讚雞翼全部熱辣辣新鮮出爐，咬落嫩滑有肉汁，完全冇任何雪味腥味，不同調味都做到香脆效果，先唔計岩唔岩口味已經做足本份有突。
松露醬薯條同樣新鮮炸起，加左少少幼鹽同黑椒，點埋松露醬真係完美，輕鬆清碟。
橙香填鴨卷平心而論係好味既，鴨翼肉嫩滑、沙律菜爽脆、醬汁酸甜開胃，可惜唔係熱食，比起其他食物吸引力大減，留肚全力食雞翼好過。
兩個人一下子食左幾十隻雞翼，完全滿足雞翼胃。 不過大家都同意，絕對唔可以同仔仔黎食，咁先食得盡興。
張貼
