影片
更多
2023-04-21
38 瀏覽
💁♀️💁♂️ 16/4/2023(Sun), Dinner🍽作為一個🐓雞翼控，為食妙妙一向對於任何款式、味道既雞翼都會感到興趣，當佢知道Wingman呢度有雞翼放題，仲有十幾款唔同既雞翼，佢就即刻拉埋A先生嚟挑戰睇吓食到幾多隻。而今晚我地order咗：🔆 雞翼放題（10種口味）（$208）呢度既雞翼放題有3種，分別在於可以選擇既雞翼款式多少（3款、10款定全部19款）、有冇任食配菜同埋飲品，時間都係任食90分鐘。我地就揀咗個中庸之道既任食10款雞翼同埋任飲汽水🥤，試試10款唔同口味既雞翼先。餐廳選用既係法國🇫🇷走地雞🐓既雞翼，係無激素同不含抗生素既，可以食得安心。我地食咗以下10款雞翼：🐓泰式甜辣醬：炸雞翼外層沾上泰式甜辣醬同炸碎蒜粒，食落甜甜辣辣，辣度算輕微，係一般人可以接受既辣度，再加上粒粒既炸碎蒜粒增加口感同食落更香口。🐓紐奧良香粉：呢款雞翼就加咗辣椒粉同香料，食落香辣，雞翼炸得皮脆肉嫩。🐓水牛城醬：雞翼炸好後再塗滿橙紅色水牛城醬及灑上蔥粒，味道酸酸辣辣，惹味開胃。🐓黑芝麻海鮮蜂蜜：呢款雞翼係唔辣既，有海鮮醬同蜂蜜既味道，香香甜甜咁令人一隻接一隻咁食唔停口。🐓黑椒檸檬：黑椒既香氣
💁♀️💁♂️ 16/4/2023(Sun), Dinner🍽
作為一個🐓雞翼控，為食妙妙一向對於任何款式、味道既雞翼都會感到興趣，當佢知道Wingman呢度有雞翼放題，仲有十幾款唔同既雞翼，佢就即刻拉埋A先生嚟挑戰睇吓食到幾多隻。
而今晚我地order咗：
🔆 雞翼放題（10種口味）（$208）
呢度既雞翼放題有3種，分別在於可以選擇既雞翼款式多少（3款、10款定全部19款）、有冇任食配菜同埋飲品，時間都係任食90分鐘。我地就揀咗個中庸之道既任食10款雞翼同埋任飲汽水🥤，試試10款唔同口味既雞翼先。餐廳選用既係法國🇫🇷走地雞🐓既雞翼，係無激素同不含抗生素既，可以食得安心。
我地食咗以下10款雞翼：
🐓泰式甜辣醬：炸雞翼外層沾上泰式甜辣醬同炸碎蒜粒，食落甜甜辣辣，辣度算輕微，係一般人可以接受既辣度，再加上粒粒既炸碎蒜粒增加口感同食落更香口。
🐓紐奧良香粉：呢款雞翼就加咗辣椒粉同香料，食落香辣，雞翼炸得皮脆肉嫩。
🐓水牛城醬：雞翼炸好後再塗滿橙紅色水牛城醬及灑上蔥粒，味道酸酸辣辣，惹味開胃。
🐓黑芝麻海鮮蜂蜜：呢款雞翼係唔辣既，有海鮮醬同蜂蜜既味道，香香甜甜咁令人一隻接一隻咁食唔停口。
🐓黑椒檸檬：黑椒既香氣同檸檬🍋既酸香都好突出，酸酸地咁幾特別。
🐓咖啡香味：都係一款唔辣既雞翼，聞落同食落都有幾濃既咖啡味。A先生本身喜歡飲咖啡，所以覺得味道唔錯。
🐓巴馬臣芝士蒜蓉：雞翼本身已經好香蒜蓉味，再喺上面灑上芝士🧀️碎，入口有蒜蓉香味又帶有芝士既味道，好食。
🐓蒙古燒烤味：用上孜然粉同芝麻調味，食落偏辣，但又有孜然既香口惹味，又係會令人食唔停既一款雞翼。
🐓田園風味：呢款雞翼食落香脆唔辣，有蔥粒灑上雞翼上面，食唔到辣既人可以選擇。
🐓死神醬：絕對係呢10款雞翼既大佬，睇佢外表有佈滿辣椒🌶️粒同死神醬都知佢絕不可惹。我地都留到最後先食，食落的確係好辣，入口有種火燒🔥既感覺，要飲大量汽水再休息一陣先舒緩到🙈。最終為食妙妙同A先生每人食咗1隻就投降🏳️🙅🏻♂️🙅🏻♀️。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 每一次可以order最多6款雞翼，每款會有4隻
👉🏻 餐廳有提供手套，戴住手套食方便又衛生
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗(4/5)
👉🏻 泊車可考慮附近既朗豪坊🅿️或者家樂坊🅿️
👉🏻 旺角呢一帶，公共交通絕對係十分方便
🔆🔆🔆🔆🔆🔆🔆🔆🔆🔆🔆🔆🔆
張貼
