Wingman (閣麟街)

營業中

休息中

我係雞翼狂魔，亦係啤酒狂魔！呢間店絕對滿足我，又有雞翼任食，意大利啤酒Peroni都係任飲！餐廳內外食物選擇今次我同女友揀咗任食，但如果細食或者唔想淨係食雞翼，都有單點。 雞翼放題 $138起 有唔同數量可揀，愈多款價錢愈高，既然要試就試哂𝟭𝟴款雞翼，仲有Free Flow，薯條、沙律、毛豆、Mac ＆ Cheese 都可以係 90分鐘內任食。18款雞翼試唔哂，但都有試咗12隻，我同女友都鍾意食黑芝麻海鮮蜂蜜、Buffalo，都係Sauce 類；乾身就有Lemon pepper 、巴馬臣芝士蒜蓉味、Mongolian BBQ；仲有特別味道，日本吉列咖哩味、新咖坡辣蟹、自家製鹹蛋黃。無論係乾/濕款，都有一個共通點，就係每款味道都夠濃烈，絕對唔會Hea比醬同粉，肉質亦正常，我哋前後都點咗3轉！至於Free Flow，我哋叫咗𝗦𝗮𝗹𝗮𝗱同毛豆，仲encore tim，毛豆唔係就咁烚，有用醬汁煮，有啲似甜醬油，鹹鹹哋好開胃。