Wingman (閣麟街)

營業中

休息中

最近都冇出街食飯，趁今日放假就同friend嚟咗中環呢間Wingman食雞翼。我哋一人揀咗一款雞翼，加一個小食同兩杯嘢飲，樣樣都好好味。巴馬臣芝士蒜蓉味雞翼呢款係乾身嘅雞翼。雞翼上面撒咗芝士、蒜蓉同香草。本身都驚蒜蓉味會好濃，但係個人覺得配菜嘅份量分配得岩岩好，建議大家一定要連埋所有配料一齊食隻雞翼，因為真係好夾好香口。日本蜂蜜芥辣雞翼呢款係濕身嘅雞翼。雞翼本身有少少辣味，上面就淋咗蜂蜜，個人認為佢嘅甜味同辣味好夾。如果想再辣啲，就可以搽多啲佢俾嘅芥末，食落好過癮。松露醬薯條薯條嘅份量都幾多，松露醬好香，同薯條好夾。因為個醬係分開上嘅，所以中意點幾多就點幾多，唔洗驚面頭啲薯條太多醬，或者食到底啲薯條就冇哂醬。飲品方面嗌咗Lemonade同Passion Fruit Lemonade。Lemonade酸酸地咁，好開胃又好解渴。Passion Fruit Lemonade比Lemonade甜少少，可以見到啲籽係到浮游，咬落脆脆地，好有口感。兩款飲品都好岩送雞翼。睇餐牌見到佢有雞翼放題，希望下次可以試吓啦。