影片
更多
2021-12-08
56 瀏覽
冬天話黎就黎。呢個時候梗係要約埋朋友一齊打邊爐啦，前兩日就去左呢間餐廳，由地鐵站行過去都係十分鐘左右 環境：有方檯同卡位，位置闊落同埋餐廳都幾光猛。我地坐卡位都幾舒服。食物：$198雞煲同火鍋放題加串燒呢個價位可以食到三樣野食係抵！每人有4串串燒可以揀，而餐牌上面嘅串燒種類都好豐富，大致上可以分為海鮮、肉類、蔬菜類三種，仲會有啲燒菠蘿、一口甜薯等等嘅甜食。串燒方面我地就嗌燒蠔、燒扇貝、安格斯牛脊肉同娃娃菜等等。貝殼類燒完唔會乾晒，控制得非常好。咬落去係滿滿蒜香味同蠔/ 扇貝嘅海水味，係令人會想再encore。娃娃菜咬落鮮嫩多汁又爽口。安格斯牛好香牛味之餘，又唔會覺得太油膩。雞煲跟人頭分配份量，兩個人大概有半隻雞，夠兩個人食。雞煲香辣帶少少麻，就算係唔食得辣嘅人都好容易handle到，而熱辣辣嘅雞煲簡直係補身暖胃嘅不二之選。除左雞煲整體嘅味道鮮香麻辣，雞件嘅嫩滑，肉質有咬口嘅同時都好鮮嫩多汁，但留意嘅係唔好掛住傾計，雞煲需要間唔中翻炒，以免痴底。打邊爐當然就係成晚嘅重中之重啦，嗌左個花膠雞湯底，花膠份量勁足，而個湯底亦都非常濃配料叫咗安格
環境：有方檯同卡位，位置闊落同埋餐廳都幾光猛。我地坐卡位都幾舒服。
食物：$198雞煲同火鍋放題加串燒
呢個價位可以食到三樣野食係抵！
每人有4串串燒可以揀，而餐牌上面嘅串燒種類都好豐富，大致上可以分為海鮮、肉類、蔬菜類三種，仲會有啲燒菠蘿、一口甜薯等等嘅甜食。
串燒方面我地就嗌燒蠔、燒扇貝、安格斯牛脊肉同娃娃菜等等。貝殼類燒完唔會乾晒，控制得非常好。咬落去係滿滿蒜香味同蠔/ 扇貝嘅海水味，係令人會想再encore。娃娃菜咬落鮮嫩多汁又爽口。安格斯牛好香牛味之餘，又唔會覺得太油膩。
雞煲跟人頭分配份量，兩個人大概有半隻雞，夠兩個人食。雞煲香辣帶少少麻，就算係唔食得辣嘅人都好容易handle到，而熱辣辣嘅雞煲簡直係補身暖胃嘅不二之選。除左雞煲整體嘅味道鮮香麻辣，雞件嘅嫩滑，肉質有咬口嘅同時都好鮮嫩多汁，但留意嘅係唔好掛住傾計，雞煲需要間唔中翻炒，以免痴底。
打邊爐當然就係成晚嘅重中之重啦，嗌左個花膠雞湯底，花膠份量勁足，而個湯底亦都非常濃
配料叫咗安格斯牛、手打牛丸、芋絲、鴨血、生蠔、炸魚皮同響鈴等等。炸物即使浸左湯，都仲可以保留酥脆嘅口感。手打牛丸爆汁！
海鮮類淥完之後都唔會縮水或者乾掙掙，仲好新鮮。
安格斯牛只需要淥兩淥就食得。牛肉味勁濃又有油香！必點！「河蚌片」係出邊都冇咩點叫過，大概淥3至4分鐘左右，咬落去非常鮮甜爽口
嘢飲櫃都有好多選擇，有各種紙包同罐裝飲品，竟然連馬蹄爽都有。其他大路飲品例如巨峰提子、柑桔檸檬、啤酒汽水等等都有提供
總結：抵食！兩個人，或者一班人嚟都非常之適合
張貼
