金凱小廚 (已結業)

好耐無食雞煲，第一次幫襯金凱小廚，$198有雞煲加火鍋湯底真係好平，坐低無耐就上左雞煲，個雞煲完全物超所值，雞煲嘅醬汁好香濃，d雞又夠入味，真係好好味。仲有超多芫茜，岩曬我呢d芫茜控！而且雞煲嘅份量一D都唔少，我哋2個大胃王食完雞煲都已經有啲飽🤣之後店員問我哋火鍋要咩湯底，我哋選左胡椒豬肚湯，個湯好足料，超香胡椒味，好味到野食未上我已經飲左2碗湯。湯底裏面仲有d酒釀雞件，非常嫩滑。火鍋配料有好多選擇，我地叫左安格斯肩胛牛肉同西班牙豬肉片，蔬菜藍，芋絲，牛柏葉，響鈴，仲有d丸類等等，整體黎講味道都唔錯😚👍。蔬菜藍雖然話係迷你，但其實好大份，一次過有曬唔同類型嘅菜。啲野食叫完之後全部都好快上，完全唔會漏單，呢點好值得一讚我地見呢度連串燒都有就叫左幾串試下，燒蠔同扇貝有超多蒜係面，好香好好味！！朋友話羊架都好食，雞翼都唔錯😆總結黎講金凱小廚嘅性價比超高，我地飽到棒住個肚咁走，而且serve我地個位女店員服務態度好nice，非常滿意嘅一餐！！