倫哥尊尚火鍋私房菜 (已結業)

約咗朋友食飯，好想食雞煲同打邊爐，一於食倫哥！預先訂座，四人或以上可以免費升級花膠老雞金湯或者仙氣雞燉湯。我哋揀咗仙氣雞燉湯，係姬松茸、椰皇燉雞湯。雞煲🐓好香好入味，辣度係唔太食得辣嘅朋友都食到。雞件大細啱啱好，啖啖肉👍🏻刺身有三文魚、北寄貝、墨魚同八爪魚，正常質素。蒸海鮮有帶子、鮑魚、蜆，中間仲有薯粉，可以揀蒜蓉或者剁椒，好惹味！打邊爐🍲姬松茸、椰皇燉雞嘅仙氣雞燉湯，姬松茸出晒味，亦有椰子嘅清香，雞同豬肉令煲湯好甜😋料方面，牛頸脊唔肥，重牛味；海鮮有脆肉鯇、蝦、青口、蠔等等，爽口鮮甜；手打墨汁墨魚滑同蝦仁墨魚滑彈牙，分別有墨魚粒同蝦粒，提升口感；其他料同埋飲品係自己出去拎。雞煲、打邊爐嘅牛頸脊、海鮮同墨魚滑都可以添，我哋添咗一次雞煲，有啲飽😂如果唔添雞煲就可以食多啲打邊爐嘅料😂另外，欣賞侍應會過嚟提醒雞煲幾時得，洗唔洗焗多幾分鐘等。