蚊蚊豬老火鍋

營業中

休息中

天氣開始轉涼最適合打邊爐，係太子見到開火鍋店又有得食埋雞煲，一次過滿足哂兩個願望！雞煲一定要叫麻辣小辣，小小辣但麻香味一流，雞肉亦都唔錯，夠哂入味！之後打邊爐叫左豬骨湯底，好足料~~配料就叫左安格斯牛肉，豬肉，丸類，海鮮類，菜類，基本上平時火鍋食開既料都有！牛肉色水好靚，油脂均勻，食落好重牛味，非常唔錯！另外要提一提炸魚皮，炸得幾脆口！食雞煲同埋火鍋之前，呢度都可以叫魚生同埋小食先頂一頂整個胃口，魚生都幾新鮮，小食叫左螺肉同八爪魚仔，想法都幾開胃！而飲品就有支裝檸檬茶、橙汁、汽水，加$28就可以任飲，飲多兩三支都可以回本～～健康來講都叫做幾好食同性價比高，去開太子食飯都不妨一試！