影片
更多
2011-10-14
64 瀏覽
原本約好29/9晚嚟試,但因打風關係,無奈地取消…星期三晚雖然橫風橫雨,但實在太想食最終都嚟咗,由7:40pm等到9:10pm左右,足足等咗個半鐘,期間睇住啲雨停吓落吓都有5,6輪;見之前有食評寫人山人海,現場觀察未有咁誇張,可能係落雨關係啩!叫咗 :隨變麻辣雞煲一隻(小辣) $148 : 雞肉切得都幾大件,之前喺新蒲崗另外一間食過啲雞好細件,冇咗啖啖肉嘅感覺秋耳 $11/份 : 即係雲耳,普普通通冬瓜片 $8/份 : 普普通通墨魚咀 $14/份 : 個人好鍾意食墨魚咀,貪佢夠爽口,之前喺吉之島買過啲炸嘅好好食,而家己經冇得賣;但今次放落啲湯焯兩焯即食就唔得入味紅薯粉 $18/碟 : 普普通通,開頭食好彈牙,浸耐咗開始淋,一般都係咁响玲卷(類似腐皮卷嘅物體) $18/碟 : 放落湯度索晒啲湯係一定嘅,好食麻辣豬耳 $26/碟 - 太多蒜,但還可以鮮爽黑栢葉 $40/碟 - 黑栢葉係我一定要叫嘅,可惜又係因為入唔到味,失望豬紅 $10/份 - 普普通通魚皮餃 $14/份 - 朋友話鹹咗啲,我食得濃,可以接受忌廉 $8/罐X3之前見食友講過可以一份份叫,原來唔係全部都得,朋友想食雞子,但由
星期三晚雖然橫風橫雨,但實在太想食最終都嚟咗,由7:40pm等到9:10pm左右,足足等咗個半鐘,期間睇住啲雨停吓落吓都有5,6輪;見之前有食評寫人山人海,現場觀察未有咁誇張,可能係落雨關係啩!
叫咗 :
隨變麻辣雞煲一隻(小辣) $148 : 雞肉切得都幾大件,之前喺新蒲崗另外一間食過啲雞好細件,冇咗啖啖肉嘅感覺
秋耳 $11/份 : 即係雲耳,普普通通
冬瓜片 $8/份 : 普普通通
墨魚咀 $14/份 : 個人好鍾意食墨魚咀,貪佢夠爽口,之前喺吉之島買過啲炸嘅好好食,而家己經冇得賣;但今次放落啲湯焯兩焯即食就唔得入味
紅薯粉 $18/碟 : 普普通通,開頭食好彈牙,浸耐咗開始淋,一般都係咁
响玲卷(類似腐皮卷嘅物體) $18/碟 : 放落湯度索晒啲湯係一定嘅,好食
麻辣豬耳 $26/碟 - 太多蒜,但還可以
鮮爽黑栢葉 $40/碟 - 黑栢葉係我一定要叫嘅,可惜又係因為入唔到味,失望
豬紅 $10/份 - 普普通通
魚皮餃 $14/份 - 朋友話鹹咗啲,我食得濃,可以接受
忌廉 $8/罐X3
之前見食友講過可以一份份叫,原來唔係全部都得,朋友想食雞子,但由於3人只有佢一個好此道,又因為此款冇得一份份叫,怕成碟食唔晒,最終被迫放棄,點解唔可以全部都一份份叫喎?
食完呢餐之後決定下次都係去返新蒲崗食,因為除咗啲雞切得唔夠大件之外,其它嘢其實同呢度差唔多,但係坐就可以坐得舒服啲,嗰度有卡位架;最重要係啲嘢平過晒呢度,以涼拌皮蛋為例,呢度賣$2X,SPK賣$1X咋
3個人埋單$330
張貼
