我愛慢煮 (孖沙街) (已結業)

今日啱好黎開上環附近行街，就想食下好西，我提議食我愛滿足，女朋友表示唔怕又伏咩?(事原之前食左幾次，除左第一次比較滿意，之後嗰幾次牛排都係好多筋好多脂肪位，最誇張嗰次本半塊都係咁😓。) 咁我就話橫掂咁耐冇食，可能有改善呢我地試完d扒之後感覺的確有改善，味道同口感都唔錯，之前ge缺點都改善唔少，額外加ge帶子同蝦都唔錯。但小食就搞唔掂啦，我地先叫左黑松露番薯條，點知比左普通ge薯條地，直到我地問點解唔係番薯條，先知原來冇曬😵,但其實我地都唔太中意薯條，但因為已經唔小心食左兩條，所以最後都唔好意思彈翻轉頭。最後再加單叫多個鹹蛋黃單骨雞翼，唔講8隻單骨雞翼用左20分鐘先上到，但炸粉實在太厚，亦食唔太出蛋黃味，最後兩隻直接放棄。總體黎講的確不滿意，雖然價錢唔叫好貴，但都唔應該係咁ge水準，雞翼同薯條應該都係唔容易伏ge野。另外，交代清楚原食材缺貨並告知客人會換其他食材係好基本，唔應該等客人問先知😥，最後食ge雞翼仲搞到個肚唔舒服。短時間內都未必再黎，希望下次有機會黎可以改善問題。