影片
更多
2013-05-02
1773 瀏覽
為慶祝考完兩科大佬試，一行12人約左21:00 黎呢度開大餐。1. 馬拉盞菜心煲 2 / 5 上菜時個煲蓋一打開，一陣陣馬拉盞嘅咸香味即刻湧入個鼻度，好香。但可惜，一食落口，成陣燶味，再仔細啲望下個煲，原來有一小部份燶左，從而糟蹋左成煲菜心。2. 金銀蛋白菜仔 3 / 5 本身想食甩莧菜，但可惜莧菜賣晒，迫於無奈食白菜仔。但總覺得金銀蛋同白菜仔唔太夾，金銀蛋白拼莧菜是常識吧 ! 而且飲落個湯覺得唔夠皮蛋嘅香味同咸蛋嘅咸味，估計係啲金銀蛋根本未浸透出味，就落白菜仔去煮。如果個湯更重金銀蛋嘅味道，成個菜會更好。3. 西蘭花XO醬炒花枝片拼桂花蚌 4 / 5 首先，呢碟餸碟頭好大，西蘭花好大嚿，花枝片同桂花蚌嘅份量俾得好足，而且好爽脆，XO醬落得啱啱好，唔會太咸而蓋左花枝片同桂花蚌嘅鮮味。師傅煮花枝片同桂花蚌嘅時間掌握得好準確，唔會令到花枝片同桂花蚌太韌或太硬。正 !4. 咕嚕蝦球 4/ 5 蝦球炸得好脆，而且好爽 (可能用梳打粉醃過 ? )，份量亦都好足。好欣賞佢個甜酸汁，唔會太酸而乸喉同嗆鼻，味道剛剛好，放係低啲洋蔥吸晒啲汁，送飯一流 ! 5. 手打百花馬友蝦膠煎肉
1. 馬拉盞菜心煲 2 / 5
上菜時個煲蓋一打開，一陣陣馬拉盞嘅咸香味即刻湧入個鼻度，好香。但可惜，一食落口，成陣燶味，再仔細啲望下個煲，原來有一小部份燶左，從而糟蹋左成煲菜心。
2. 金銀蛋白菜仔 3 / 5
本身想食甩莧菜，但可惜莧菜賣晒，迫於無奈食白菜仔。但總覺得金銀蛋同白菜仔唔太夾，金銀蛋白拼莧菜是常識吧 ! 而且飲落個湯覺得唔夠皮蛋嘅香味同咸蛋嘅咸味，估計係啲金銀蛋根本未浸透出味，就落白菜仔去煮。如果個湯更重金銀蛋嘅味道，成個菜會更好。
3. 西蘭花XO醬炒花枝片拼桂花蚌 4 / 5
首先，呢碟餸碟頭好大，西蘭花好大嚿，花枝片同桂花蚌嘅份量俾得好足，而且好爽脆，XO醬落得啱啱好，唔會太咸而蓋左花枝片同桂花蚌嘅鮮味。師傅煮花枝片同桂花蚌嘅時間掌握得好準確，唔會令到花枝片同桂花蚌太韌或太硬。正 !
4. 咕嚕蝦球 4/ 5
蝦球炸得好脆，而且好爽 (可能用梳打粉醃過 ? )，份量亦都好足。好欣賞佢個甜酸汁，唔會太酸而乸喉同嗆鼻，味道剛剛好，放係低啲洋蔥吸晒啲汁，送飯一流 !
5. 手打百花馬友蝦膠煎肉餅 4.5/ 5
平時食開嘅肉餅，唔係太淋就係太實，但因為佢落左蝦膠，成片肉餅好彈牙。雖然炸得好脆身，但入面依然保持到好濕潤，唔會話炸到好乾身，脫晒水。食落仲有咸魚嘅咸香味，真係好食到不得了。
6. 高湯胡椒浸花甲王 4/ 5
花甲王好大隻，冇沙，肉質好嫩。湯底用左紅椒、咸酸菜、芹菜、荵段去煮，講真，說好的胡椒味就唔係好飲得出，但個湯底真係幾好飲，再加上粉絲吸晒啲湯，好好味 !
7. 支竹鱔煲
我無食啲鱔，只食左一條枝竹，覺得個汁咸左少少。其他朋友仔都話個餸太咸，所以佢淪落到成為全晚唯一一個食剩嘅餸，已經同鋪頭反映左，希望會有改善。
8. 生炒糯米飯 4.5/ 5
佢地嘅糯米飯係我暫時食過最好食嘅糯米飯之一。聽聞佢地嘅糯米飯係真係由生米炒成熟飯，而唔係出面個啲明明就係蒸扮成炒。個糯米飯食落好爽，粒粒分明，唔會一pat pat。而且個老抽嘅味道剛剛好，帶有少少甜，個飯仲有好多臘味。
9. 沙拉牛仔骨 3.8/ 5
牛仔骨個汁好惹味，再加上沙律醬，甜甜酸酸好好送飯，但略嫌油膩左少少。
10. 椒鹽九肚魚 3/ 5
雖然啲九肚魚好嫩，但可惜啲椒鹽菬得好輕手，幾乎完全食唔到椒鹽味。
題外話/補充資料：
雖然價錢比起其他貴，每碟餸都要成三位數字，但每碟餸菜嘅份量都頗多，個個都食得好飽，而且坐得鬆動，啲櫈好舒服。
(以上食評乃用戶個人意見 , 並不代表OpenRice之觀點。)
張貼