家全七福 (H Zentre)

營業中

休息中

有派頭嘅廣東菜講到有派頭，除咗福臨門之外，第二最愛就係呢一間餐廳，裝修有氣派不特止，服務水準屬係頂分，餐廳食物除咗質素高之外，擺盤亦都十分講究。滷水牛𦟌 ，滷水汁融入晒舊牛𦟌到，額外再加上酸酸甜甜秘製嘅酸甜汁，份外醒胃。加上肉既腍到剛剛好，作為一個前菜恰到好處。焗饟鮮蟹蓋，簡直就係貴氣逼人，一絲絲蟹肉塞滿晒蟹蓋，味道鮮甜，呢個仲有少量嘅洋蔥碎調一調味，更加提升左蟹肉嘅鮮味。蜜汁叉燒，相當唔簡單，唔係一個平凡嘅叉燒，師傅將每一嚿肉處理得非常之腍口，肥肉同瘦肉夾雜着係一齊，一口咬落去食到瘦肉之餘，仲有少少嘅肥肉襯托，半肥瘦原來係咁樣黎。七福脆皮雞，雞皮風乾至香脆，每一次都係用滾油林上雞皮，令到佢將入邊雞油迫晒出嚟，肉質好嫩，配上檸檬汁同唯鹽，天作之合。鳳凰千層糕，用一個甜品作結，用少量蛋黃陪襯住奶黃，一口咬落去，料同麵團相間，乃係心思之作。