辛味屋

營業中

休息中

星期六一班人，冇乜idea，又難搵位食lunch，見到呢間有位夠我地坐，於是入去。叫咗個咖喱牛肉烏冬。呢碗野加凍檸茶一共八十蚊，唔係抵。味道方面，咖喱算好味，算香濃嘅。不過，我個人認為唔係好特別。d牛肉同平時食日式牛肉丼飯果d差唔多味，又唔係算多塊。烏冬方面，就算係軟硬適中，還是不錯。碗野唔算太熱，我自己個人喜好就係熱d開心啲。不過此店幾好坐，夠闊落，又無話要趕住食交抬限時果d，正常時間食完走人。雖無驚喜，有啲貴，但勝在算食得舒適。