影片
更多
2022-01-26
221 瀏覽
我踏入2022年，依舊與旅行緣慳一面。難得同朋友都請咗假去放鬆吓偷得浮生半日閒，決定相約再訪K11嘅KAIYO食Lunch。第二次到訪正值weekdays嘅下午，人流比初訪嘅晚市明顯地少。冇咗熱鬧嘅人聲，反而可以同朋友高談闊論。餐前小食每客定食都會有日式前菜，明太子沙律粒、日式野菜沙律、茶碗漬以及味噌湯。上刺身盛 五點食日本菜刺身一定唔可以少。今次嘅刺身盛組合有三文魚、吞拿魚、油甘魚、牡丹蝦同北海道帆立貝。種類大路勝在每樣都夠鮮味。定食刺身隨定食附上嘅刺身組合，有深海池魚同埋檸檬岩鹽嘅帆立貝。池魚入口鮮甜，後勁有幽香嘅魚香味，少少油脂帶出濃厚嘅層次感。帆立貝以檸檬岩鹽處理，清新口感令胃口大增。燒日本A4和牛排定食A4和牛生熟度剛剛好為 Medium rare, 脂肪比例剛剛好。入口油脂即溶，肉質口感綿綿。如果係以鐵板呈上就更加分。定食壽司兩款壽司分別為深海池魚同左口魚。兩款壽司都鮮甜十足，深海池魚味道濃，左口魚味道淡，一濃一淡陰陽配合，各取平衡。安格斯牛肉火鍋定食一人份量嘅火鍋岩岩好夠午餐頂癮，份量十足。定食附上野菜同埋稻亭烏冬。
踏入2022年，依舊與旅行緣慳一面。難得同朋友都請咗假去放鬆吓偷得浮生半日閒，決定相約再訪K11嘅KAIYO食Lunch。
第二次到訪正值weekdays嘅下午，人流比初訪嘅晚市明顯地少。冇咗熱鬧嘅人聲，反而可以同朋友高談闊論。
餐前小食
每客定食都會有日式前菜，明太子沙律粒、日式野菜沙律、茶碗漬以及味噌湯。
上刺身盛 五點
食日本菜刺身一定唔可以少。今次嘅刺身盛組合有三文魚、吞拿魚、油甘魚、牡丹蝦同北海道帆立貝。種類大路勝在每樣都夠鮮味。
定食刺身
隨定食附上嘅刺身組合，有深海池魚同埋檸檬岩鹽嘅帆立貝。池魚入口鮮甜，後勁有幽香嘅魚香味，少少油脂帶出濃厚嘅層次感。帆立貝以檸檬岩鹽處理，清新口感令胃口大增。
燒日本A4和牛排定食
A4和牛生熟度剛剛好為 Medium rare, 脂肪比例剛剛好。入口油脂即溶，肉質口感綿綿。如果係以鐵板呈上就更加分。
定食壽司
兩款壽司分別為深海池魚同左口魚。兩款壽司都鮮甜十足，深海池魚味道濃，左口魚味道淡，一濃一淡陰陽配合，各取平衡。
安格斯牛肉火鍋定食
一人份量嘅火鍋岩岩好夠午餐頂癮，份量十足。定食附上野菜同埋稻亭烏冬。
張貼
