禮 (打鼓嶺道)

營業中

休息中

是甘的， 今日約咗朋友去九龍城嗰度按摩， 按完摩之後梗係搵嘢醫肚喇。我哋亂打亂撞，發現九龍城原來都有間幾高質素嘅居酒屋。傍晚六點幾入到去都唔使等位， 鋪頭裝修得幾有日本風格， 坐低之後枱面有啲自助落單紙。我哋叫咗一個 牛肉烏冬， 芝士玉子燒， 鹹蛋肉餅串， 同埋嗌咗厚燒牛舌。 等待嘅食物過程都幾漫長， 我都等咗差唔多二十五分鐘先至有第一樣食物送上， 不過我都明白嘅， 因為佢係即煮即煮， 途中佢都有送上兩個前菜， 係兩碟細碟嘅響螺肉。 不過後來發現原來前菜每位要加十蚊，大家可以得個知字。 整體嚟講啲食物都唔錯， 即叫即煮適合有耐性嘅客人。