職人壽司

營業中

休息中

同男朋友去完南生圍郊遊，出返嚟元朗呢度見到有一間好細間嘅日式料理餐廳。餐廳嘅門面係深啡色嘅木造趟門，非常有日式居酒屋嘅感覺。入面有吧枱和普通坐枱，大約坐到10幾人左右，雖然細細間，但食物有好多選擇。❤️本鮪盛有四款包括吞拿魚赤身2貫，中拖羅2貫，大拖羅2貫，吞拿魚蓉軍艦2貫。吞拿魚赤身魚味非常濃郁，因為我好驚有好重油脂味，所以最鍾意食呢一款。男朋友就鍾意食吞拿魚蓉軍艦，佢話魚蓉入口即溶，食落去吞拿魚蓉和壽司飯融合係一齊，滋味滿分👍❤️白魚薄切白魚薄切非常鮮，肉質清爽。上面放咗啲蜜柑啫喱，酸酸甜甜又好香果香味，入口隨着口裏嘅溫度溶化，非常有創意嘅一道菜。❤️牛肉他他好多塊牛肉他他，牛味濃郁，充滿肉汁，一口一片，佢上一片炸蒜片一齊吃，成個味道更豐富❤️安康魚肝幼滑嘅鮟鱇魚肝，用醬汁和蜜柑果皮蒸煮，食到有魚肝香味，更有醬汁味和果香味，三種味道非常夾，令整到菜味道更加豐富👅