NEON

營業中

休息中

這間cafe 隱藏係工廈當中，星期六的下午比較寧靜，環境舒服。因為cafe 的廚房細細，所以餐牌的主食只得四款選擇，以意粉為主。好細心地將用餐區及廚房分隔，所以沒有半點油煙味。一份龍蝦忌廉汁蜜糖脆腸意粉配半熟溫泉蛋$58及一份香蒜清酒炒意粉配香煎雞柳肉$55, 價錢合理，份量都頗大。一份主食仲有餐湯附送。前者比較creamy, 但不會太膩，大大條煎得香口的蜜糖脆皮腸，好飽肚。後者用了香蒜清酒來炒意粉，蒜香惹味，又不會太油，意粉有咬口，用雞柳肉會比較健康。最要讚的是食物即點即煮，夠晒熱。這裡飲品選擇則比較多，賣相亦不錯。佐藤園抹茶牛乳有靚靚拉花。檸檬葡萄梳打夠清新。