A Bowl Of (已結業)

呢日約左中環地膽朋友食個quick lunch，順便去附近辦公。佢帶我黎呢間小店食意式三文治Panini。小店隱藏係小街內，唔係佢帶路都應該唔識去P.S.: 其實認住圓玄學院大廈呢個入口，行幾級樓梯就到，係我路痴先唔識路。除左Panini，仲有住家湯提供。提供Panini、湯、鬆餅、咖啡、茶和較少見既意大利汽水。叫Panini加$20就有蕃茄濃湯，當然要試下。個湯色澤同味道都好自然，無茄膏既酸甜。聽講係用多種新鮮時令蕃茄煲成，好味又健康。以前學意大利文聽Panini就聽得多，食就第1次食。份量幾大，賣相吸引。火雞肉質嫩滑彈牙，麵包烘到外皮微脆，食得出係用左心思配撘過。Americano個杯好有個性咁。幾有咖啡香氣，味道少酸，餘韻有回甘，無我唔鐘意既苦澀味，好飲過公司既好多。雖然小店人手不多，但效率高，出品有特色，隔唔中黎過quick lunch體驗下意式Panini真係幾有忙裡偷閒既感覺。