影片
更多
2018-03-16
36 瀏覽
今日去南生圍踩單車就順便去果邊搵下有咩好野食我地想慢慢享受所以就揀左呢間居酒屋一入到去好似去左日本既居酒屋咁好有日本風情坐底之後就比杯熱茶叫我地慢慢享用再睇下有咩岩食過一陣之後店員就過黎介紹d酒對於酒唔熟既我地就聽下店員既介紹好明顯佢真係好了解唔同既酒而且仲可以按我地既愛好推薦唔同既酒最後我朋友就要左個Suntory朋友表示呢個不槐係日本暢銷既啤酒味道好純唔似平價牌子啤酒咁多雜質配埋揚物一齊食好正 而店員就介紹左荔枝梳打酒比我佢話呢個岩唔太飲太濃酒既我飲味道易入口我好滿意呢杯酒佢係用清酒同威士忌再放入荔枝釀製一年而成（自家製） 飲左少少酒之後就要叫下其他野食呢到仲教埋我地點樣先係最高既享受所以我地就叫左少少小食配下酒雞肉串、黑毛豬串、炸雞同M7和牛等等d串燒好香口特別要讚既係M7和牛好有牛味好有肉質咬落去林得黎又唔易撕開好有咬口醬汁帶點酸甜點少少再配埋香料炸蒜可以中和牛既膩感PS店舖人員貼心咁教我地唔好點太多唔係會搶左牛既味道 仲有手羽先都好值得一試每隻都好大隻雖然唔係雞全翼（冇左雞槌）但size都比出面既雞全翼更大雖然有骨但咬落仍然啖啖肉外皮炸得好脆仲係金黃色而且岩岩炸起咬落去肉汁
就順便去果邊搵下有咩好野食
我地想慢慢享受所以就揀左呢間居酒屋
一入到去好似去左日本既居酒屋咁
好有日本風情
坐底之後就比杯熱茶叫我地慢慢享用再睇下有咩岩食
過一陣之後店員就過黎介紹d酒
對於酒唔熟既我地就聽下店員既介紹
好明顯佢真係好了解唔同既酒
而且仲可以按我地既愛好推薦唔同既酒
最後我朋友就要左個Suntory
朋友表示呢個不槐係日本暢銷既啤酒
味道好純
唔似平價牌子啤酒咁多雜質
配埋揚物一齊食好正
而店員就介紹左荔枝梳打酒比我
佢話呢個岩唔太飲太濃酒既我飲
味道易入口
我好滿意呢杯酒
佢係用清酒同威士忌
再放入荔枝釀製一年而成（自家製）
飲左少少酒之後就要叫下其他野食
呢到仲教埋我地點樣先係最高既享受
所以我地就叫左少少小食配下酒雞肉串、黑毛豬串、炸雞同M7和牛等等
d串燒好香口特別要讚既係M7和牛
好有牛味好有肉質
咬落去林得黎又唔易撕開
好有咬口
醬汁帶點酸甜
點少少再配埋香料炸蒜可以中和牛既膩感
PS店舖人員貼心咁教我地唔好點太多
唔係會搶左牛既味道
仲有手羽先都好值得一試每隻都好大隻雖然唔係雞全翼（冇左雞槌）
但size都比出面既雞全翼更大
雖然有骨但咬落仍然啖啖肉
外皮炸得好脆仲係金黃色
而且岩岩炸起咬落去肉汁爆哂出黎
手羽先仲有檸檬同甜酸醬
配埋香口既外皮食好開胃！
雖然我地都叫左好多野食
但朋友想試下食今周推薦野刺身---呑拿魚腩刺身
一送到黎都已經知道一定好食
肉質好肥美但又唔會有膩既感覺
入口即融
吞拿魚既油香同魚鮮味就充滿成個口腔
除左腩肉下面仲有一層略韌既膜
令魚腩食落既口感多左一個層次
一次要叫多d刺身食下
最後叫多左兩個餸食
第一個係清酒煮花甲
味道好簡單
用黎煮花甲既清酒味道更濃
而且有陣陣酒味
令花甲既鮮味更突出
不過花甲既沙仲味完全洗清
如果走哂沙就更完美
而第二個就係
酩鬼黃金焗卷
一咬落去外面係熱辣辣既芝士同飯
裏面就係涼涼地既蔬菜
好得意
碟同壽司上面都充滿左金黃色既芝士
芝士焗到微微硬身
食落有一陣海鹽味
雖然海鹽同芝士都屬於鹹香食物
但混埋一齊食味道竟然出奇咁好
我最後連碟上面既芝士都冇放過哈哈
今次真係好好既體驗
可以慢慢叫慢慢食
慢慢享受美食同朋友傾計
而且仲好岩唔想諗食咩既人
店員會推薦下又問下今日想食咩
雖然唔係成日去元朗但呢個係值得專登入元朗食下嘆下
仲要同港鐵站都係十分鐘路程左右
下次見！酩鬼！
張貼
