強記小食

營業中

休息中

強記係我由中學時期食到大既舖頭，係葵青區街坊既集體回憶，幫襯左咁多年，依然係非常高質，保持到好高水準！強記係區內無人唔識，位於葵芳地鐵站附近既後巷，係一間毫不起眼嘅隱世小食店。雖然舖位細細，但係選擇都唔少，有魚蛋、燒賣、牛肉球、牛柏葉、腸仔、生腸、雞腎等等。多數黎到都係排曬長龍，但佢地好快手，好快就輪到你架喇！基本上任何野加上既秘製辣汁就好好食 好惹味，好食過葵廣入面既小食店多多聲👍🏽👍🏽我個人就非常推薦牛肉球，做得好出色，咬落彈牙有質感，有肉味有少少蔥香，又食到爽口既馬蹄粒，加埋甜豉油真係好夾好好味。唔似出面一般食到既落曬鬆肉粉去＂那＂鬆啲肉，令到牛肉球鬆散，毫無肉味，究竟係咪食緊牛肉都唔知！另外陳皮魚蛋都係必食item之一，魚蛋細細粒，咬落彈牙帶有陳皮香，如果食唔到辣既朋友仔，可以叫唔辣。佢地既辣汁好惹味，但真係好辣，後勁不得了，建議大家買定野飲先過黎最後當然唔小得燒賣，佢地既醬汁係自家秘製，配落質感彈牙又唔會太多粉既燒賣簡直係絕配。我經常都會叫依三樣野黎做我既下午茶，而且此店價錢親民，份量亦都十足，絕對係葵青區市民下午茶不二之選！