強記小食

葵芳強記小食，絕對是港鐵站D出口的街頭傳奇，已營業近20年，童年回憶滿載！這間小食店以招牌辣汁聞名，魚蛋和燒賣更是必點，辣得出色，連鬼佬都排隊搶食。放工高峰期人龍長達數十米，但等值！今次點了甜辣魚蛋和燒賣，$20左右的價格，滿足感爆燈。魚蛋簡直是甜辣天花板！一串8粒彈牙Q彈，外皮煙韌煙韌，內裡鮮嫩多汁，浸在秘製辣汁裡，甜中帶辣，辣椒籽滿滿，咬一口酸甜爆發，後勁停留口腔5分鐘以上，夠過癮卻不失魚鮮味。配陳皮版更添香氣，微微的橙皮芬芳中和辣度，每粒都像藝術品，絕對葵芳頂級！燒賣則是另一高峰，蒸得軟滑，咬落汁水四溢，配上同款辣汁，變身辣燒賣，鮮辣交織，啖啖肉感，勝過酒樓貨。熱氣騰騰，食落暖胃解饞。街坊氛圍濃厚，適合快餐或宵夜。強烈推介給愛港式小食的朋友！…查看更多

我都係叫佢加D汁比我-.-佢話"等陣先得唔得牙"串到一個點我都知佢好生意 巴閉但係唔駛甘樣對客人希望有心人可以係附近開一間店好食過佢起碼唔係對客人好似狗甘!我都會報傳媒,叫佢地黎實測!…查看更多

最近去咗呢間買魚蛋，簡直係一次極度失望嘅體驗。女職員態度極差，成個過程都黑口黑面。明明當時後面冇其他人排隊，見到你好多嘢拎住，仲係咁催你。佢嘅言行舉止仲係顯得非常不耐煩，甚至好似趕客咁樣，大大聲唔禮貌咁錠找嗰啲錢比我，令我感覺唔受尊重。作為客人，嚟消費係希望有基本嘅禮貌同友善服務，但呢度嘅員工完全冇做到，仲破壞晒食嘢嘅心情。服務態度咁差，實在令人無法接受，呢次經歷已經足夠令我決定以後唔會再幫襯，亦唔會推薦俾其他人。希望能夠正視問題，檢討員工嘅服務質素，否則只會繼續流失顧客。…查看更多

30/12 ,強記小食並沒有張貼辣汁要加收多$1,當落單話要辣汁時,就即時話要比多$1,我即時問,幾時開始辣汁要比$1,女職員話依家,食咗咁多年都未聽過辣汁要比$1😡😡😡,並且當時我無話要盒,得兩串使乜要盒,仲要遲遲都唔肯找回餘下既$1,咁多年都未試過咁既態度,以前個資深些的姐姐,態度好好及有禮貌,不會拖字訣,所以多年都幫襯,今次之後,就算辣汁再好味,都不會再幫襯😡😡😡😡…查看更多

葵芳除左葵廣，哩間小食店一定係荃葵青人成長一定食過嘅小食店，隱藏係地鐵站同巴士站中間嘅巷到，賣燒魚蛋生腸等香港人熟悉嘅小食最招牌應該就係佢嘅沙嗲汁，個人喜歡辣味，雖然講不及好香或特別，食嘅一定係一個回憶牛怕葉都算爽口，不過不失…查看更多

呢間野令到我第一次有想上OpenRice寫comment既衝動🙌🏻夜晚諗住去買串燒賣魚蛋 (果陣無客) 買完之後覺得唔夠食想再買多串嚟食 咁啱有人排緊隊 我哋咪再排過 又一路諗緊揀咩食好 (因為佢有啲野食賣曬) 到我哋既時候 想買一串墨魚丸 講完要咩無啦啦俾個呀姨窒咗我哋一句 “出聲呀嘛！閃下閃下咁” 😀排緊隊買野食都要俾你串 咁搶口🤔🤔 佢啲態度真係差到無人有 世一👏🏼👏🏼啲野食好普通 係個咖哩汁幾惹味 除此之外無乜特別😮‍💨如果想貼錢買難受 可以一試🔥🔥🔥…查看更多

記得係A出口；去到見到一條短既龍，就知搵啱地方了！燒賣唔算大粒，正常size, 但燒賣唔夠熱，所以入面覺得有d 硬既，燒賣皮都硬；咁買串魚蛋，嘩正，有驚喜，個辣味啱啱好，個汁好香，絕對可以encore!…查看更多

個人比較鐘意豬皮，魚蛋就細粒咗啲，牛肉球就一般貨色，八爪魚都正常，其實都係食個汁，如果鐘意食辛辣可以加辣，喺會食到滴汗，口痕可以一試。食物正常，價錢合理，見評語有讚有彈，服務態度我唔覺得特別差，可能啱啱開檔未見佢哋太忙。…查看更多

真係又平又好食😌以前朋友推介我食呢度嘅魷魚，一定要加辣我本人就唔係特別好魷魚，但係食完個辣汁之後真係返唔到轉頭😍於是就變咗常客😂😂😂個辣汁真係配咩都好食，辣得來又唔會好過火，非常過癮同埋惹味放工嘅時候有時都幾多人排隊，不過梗係好快就排到啦🤣🥰 燒賣$8，5粒正常質素，超抵食，大大粒，又唔會好多份嘅感覺，都幾彈牙👍🥰 牛筋丸$12，3粒第一次試嗰陣簡直超乎我想像，有水份，扎實得黎又爽口，未試過咁好食嘅牛丸🥹…查看更多

雖然佢隱身於葵芳站後巷 但經常都大排長龍😚 今次見條隊短D,決定試試去(⁎⁍̴̛ᴗ⁍̴̛⁎)陳皮魚蛋$8魚蛋好彈牙 不過就細粒咗少少如果可以大粒啲 咁就更好啦佢哋既辣醬相當馳名 可惜最近戎緊口 只可以叫少少辣🥹唔夠過癮～少少辣都輕微感受到火辣滋味 希望下次可以叫正常辣 挑戰味蕾❤️‍🔥燒賣$8 魚肉口感都幾分明，蒸完出嚟熱辣辣😚屬正常水平，無話好特別～甜豉油沾少少好了，因為沾太多太甜會完全掩蓋魚肉味道👅，…查看更多

強記小食最近再食葵芳A出口附近一間掃街美食，「強記小食」住喺葵芳應該無人唔識，永遠都排哂長龍，星期日仲會休息唔開門，大家要記住啦！1.牛肉$13一串(9.5/10)今次叫咗兩串牛肉，每串都有三粒牛肉，牛肉無咩點變，一樣入面有馬蹄粒，反而辣醬變咗少少，辣醬無咁辣，亦都甜咗少少，今次食完無辣到流鼻水！🤣🤣🤣2人總共價錢$26個人口味總評分：9.5/10 地址：葵芳港鐵葵芳站A出口轉右Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#強記小食 #葵芳 #葵芳好去處 #葵芳美食 #掃街美食 #燒賣 #牛肉 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

經過葵芳地鐵站10個有9個人，都喺褲袋度撳緊銀仔就係去後巷食呢間強記小食 😂咁多人幫襯，排長龍就梗好彩哥哥同姐姐動作手腳都好快態度麻麻就預咗 不過代入吓如果自己一直咁快速工作 俾我都會黑面反面對於我自己嚟講只要食物好食同埋有速度就夠了牛肉球$13 一定要加辣汁 會好食好多一串三粒大大粒口感係實滴滴嘅，唔似普通茶樓食到嘅好少喺香港食到呢隻牛肉球必試！陳皮魚蛋$8陳皮魚蛋味道好出細細粒 口感煙靭彈牙 再沾啲辣汁更加惹味今次無食燒賣，燒賣都好好食🤤未食過嘅，經過可以去試吓最傳統最原始香港嘅味道完勝葵廣其他食物😂…查看更多

朋友話呢間小食店去葵芳必食講到咁緊係要試試佢啦一出地鐵站就見到條人龍相信冇去錯地方✨牛肉球 $13三大粒牛肉球 份量好足料咬落去質感較厚實偏彈牙同平時係酒樓食開既牛肉球好大分別加埋靈魂辣醬個味道更加昇華辣得黎又會想繼續食星星推薦度：⭐️⭐️⭐️⭐️⭐️/5✨燒賣 $8一串有5粒 都幾大粒質地煙韌，有魚肉味冇粉感同靈魂辣醬一齊食真係辣得好過癮食完辣味係口腔維持左至少有5分鐘星星推薦度：⭐️⭐️⭐️⭐️/5🍀如果對衛生要求比較高既朋友, 可能呢間小食店就未必咁岩你地下比較濕滑同埋附近有個大垃圾桶環境唔算太好…查看更多

地獄級嘅對客態度。問多句，邊隻係小辣咁都要俾你鬧都應該係家族生意嚟㗎啦，如果唔係冇可能請咁嘅伙記，一副食就食，唔食就過主嘅態度，直頭好似對住仇人咁環境惡劣，每次放工經過，地下又濕立立收完錢直接同一隻手拎啲食物去蒸爐以前試過咁啱開檔時間，啲嘢未熟都照賣啲魚蛋得個硬字水魷冇味，牛肉&燒賣難食，牛柏葉普通好難得係每一樣嘢都難食係個豉油汁嘅味道叫做唔錯，曾經見過啲評論話辣汁係唔錯，不過我就覺得太辣環境差，唔緊要，預咗食物差，都冇所謂，最多唔食態度差，真係差到要奉勸啲人唔好再試佢👎🏼👎🏼👎🏼👎🏼…查看更多

放工就係心思思成日想食d小食先返屋企晚餐，話晒都搭成個鐘車，有時間消化😂葵芳呢到好多小食店，燒賣都有好幾間，但講到最正燒賣一定係強記，見到條人龍就知佢咩料，配埋豉油，完全唔需要加辣油都好味！今次試埋豬皮，勁爽口，但有一塊比較硬😅總括燒賣真係正👍🏻…查看更多