Hue Dining (已結業)

隱世-係因為無諗過係藝術館會有高質餐廳，如果唔係睇到咩介紹，都唔知有依間餐廳，就算行海旁都睇唔到，因為餐廳係一樓。餐廳環境一流，與高級餐廳無異，望到維港景色，裝潢設計華麗，舒適的核化椅，乾淨整潔。星期六可以揀2/3 courses或散叫。星期日先有brunch set。前菜有暖暖的麵包配鹹牛油，湯，沙律麵包係暖暖的可以融化牛油，但有少許硬，牛油幾香。湯非常健康，有好多蔬菜，鹹度適中，味道不錯。沙律係溏心蛋，但唔夠蛋香，調味點綴了整個沙律。主菜係意大利芝士雲吞。醬料同雲吞很配，鹹度適中，都食到有芝士味但不濃，唯雲吞皮過厚同硬。和牛腰腹肉-店員建議熟度medium rare，我哋吾想食咁生叫左medium。肉質鬆軟，有香香牛味，醬料配合，美中不足係牛嘅外邊烤過火有點焦硬。甜品係散叫-chocolate delice 。全條朱古力，榛子做餅底，焦糖脆脆配香蕉味嘅忌廉。兩個女仔食，就剛剛夠，唔會太甜太膩。忌廉一定要夾埋朱古力食先可以中和朱古力嘅甜。食物未至於非常好食，有進步空間。但食物賣相，餐廳環境，價錢，絕對可以同高級餐廳媲美。