Burger Shot

營業中

休息中

呢間餐廳都係同事介紹我先知，小店位於巷口，裝修都幾有特色，有室外座位，都幾寫意。點左雙層手打芝士牛肉漢堡：牛肉味道好濃郁，手打牛肉更有口感亦夠juicy，配上煎香又軟熟嘅麵包、厚厚口感，好滋味。配料有芝士、番茄、洋葱等等，經典得嚟味道好豐富，邪惡但太爽了。呢到嘅Burger真係非常足料，滿滿手撕豬肉加上滋味醬汁同炸蒜粒、生菜絲同洋蔥，惹味濃郁，甜甜酸酸夠開胃又有口感。漢堡包好食，煎香後牛油味更突出，包質好軟熟又厚大，女仔食一個真係飽半日🤣薯條配各式醬汁粗薯條外脆內軟，入面滿滿薯仔，蘸上各種醬汁，風味更提升一個層次。香濃醇厚黑松露醬；甜酸沙律，蜜糖芥末千島醬開胃清新；芫茜白醬特別又少有，好味道，回味無窮。仲加配左唔同果汁味既爆珠，我揀左芒果同荔枝口味，配上梳打水，飲落夠晒refreshing，夏天超清爽。