Burger Shot

今日黎到牛頭角，去咗一間好隱世既漢堡店，呢個位平時真係唔會行落黎，我見餐廳座位唔算多，平時應該都係做外賣多我地就坐底左食，坐位都算闊落，如果天氣涼D坐出面都幾chill我地就叫左個二人餐，可以揀2個漢堡同1個小食，仲有1個薯條同埋飲品漢堡我地試左安格斯牛肉芝士漢堡同埋炸雞蒜香野菌芝士漢堡安格斯牛肉芝士漢堡好有牛味，肉質比較有咬口，係我鐘意既漢堡type，搭配埋濃濃的芝士，同埋每一啖都爆曬牛汁，口感層次分明，而且味道好豐富! 不得不提係個面包，佢地有烘過，甜甜地而且有少少煙韌感，好出色!炸雞蒜香野菌芝士漢堡亦都唔差！炸雞外脆內嫩，面頭放左好多炸，令到蒜香味好重，搭配上野菌同芝士個味道又幾夾，而且好夠味，特別適合鍾意炸雞的朋友炸薯條就另外加左黑松露醬，呢個經典搭配冇得輸，薯條係比較幼薯，不過都炸得好脆，每一條都好有口感，加埋黑松露醬，正炸芝士條就另外搭蜜糖芥末醬，芝士條外脆內軟，蜜糖芥末醬的甜味和微辣的味道互相交融，食落都幾特別飲品方面，揀左個芒果爆珠梳打，味道清新，酸甜可口，仲有爆珠的口感，飲落去好開心。無糖烏龍茶就正正常常，但幾適合搭配重口味的食物整體黎講，真係估唔到開係呢個位置會有一間咁出色既漢堡店，好推介大家一齊黎試…查看更多

行過牛頭角街市附近，聞到陣陣牛油香忍唔住衝咗入Burger Shot！今次專攻招牌「雙層手打芝士漢堡」，上枱即刻嘩一聲——兩塊厚過10蚊銀嘅手打牛肉餅疊到成座山咁高，仲有溶到瀡瀡聲嘅車打芝士黐住肉邊，視覺效果已經贏晒！重點評分：肉餅超彈牙：咬落唔係連鎖店嗰種粉感，明顯食到牛肉粒粗獷質感，外層微脆內裡爆肉汁！雙層疊埋厚度啱啱好，唔會壓扁個包又夠喉靈魂芝士瀑佈：雙倍車打芝士+秘製芝士醬雙重夾擊，鹹香濃到黐線！重點係熱辣辣上枱仲係半流心狀態，滴到成手都係先夠正宗神助攻配料：醃青瓜夠酸爽解膩，焦糖洋蔥甜滋滋掛汁，最驚喜係烘到脆身嘅牛油麵包，索晒肉汁都唔會淋patpat小食彩蛋跟餐嘅粗薯條落咗蒜粉同香草，脆到似食緊薯片！有埋黑松露醬，個friend搶住蘸到清碟...貼士食量細嘅女仔可以單層，雙層真係要空腹出動結論：薯條汽水，呢個質素絕對拍得住貴價漢堡店！肉食獸見到溶芝士包住juicy肉餅真係零抵抗力，同區茶記漢堡嚟講暫時冇敵手順路經過牛頭角必encore之選！…查看更多

「白松露蜂蜜牛油雙雞堡」：邪惡級滿足感！講真，Burger Shot 呢個白松露漢堡真係 「癲咗咁好食」！一上枱就聞到超濃白松露香，唔係嗰種廉價香精味，係真·松露獨有嘅 earthy 香氣，仲要配埋 蜂蜜牛油醬——呢個組合真係殺晒！甜甜哋又帶牛油鹹香，同松露夾到「叮」一聲，食落完全唔膩，反而越食越開胃雙層脆雞大滿足重點係佢用 兩塊爆汁雞腿排！外皮炸到金黃脆口，咬落「咔嚓」聲，入面肉質嫩到飆汁，仲要每塊都厚過手指！雙層夾擊之下，啖啖肉嘅口感真係冇得輸，大胃王同食肉獸保證拍枱叫好！ 神仙醬汁拯救世界不得不讚佢哋個 蜂蜜牛油松露醬，多到瀉之餘仲要每啖都掛滿包。蜂蜜嘅微甜完美中和炸雞油膩，松露碎粒仲要落得夠豪，每口都食到粒粒香氣，成個包層次感爆燈麵包本身都做得好，烘到微脆，唔會濕淋淋。趁熱食！脆雞凍咗會打折扣轉套餐有埋脆薯同汽水，薯條係幼身脆薯，撒滿松露粉，堅正！女仔食可能覺得分量太大，建議同朋友 share 再加小食…查看更多

食咗個超滿足嘅二人餐首先要讚嘅係個雙層手打牛肉芝士漢堡🍔，咬落去超多肉汁，牛肉味好濃，仲有溶化咗嘅芝士🧀，同埋脆脆煙肉🥓，口感豐富到爆炸！朋友嗰個六塊煙肉雜菌漢堡仲誇張，叫咗「多醬」版本，真係多到漏呀 😆 雜菌同煙肉嘅鹹香好夾，食完超有罪惡感但好快樂～炸物方面，個大薯條🍟同洋蔥圈🔥即叫即炸，熱辣辣超脆身！點埋個蜜糖芥辣醬同黑松露醬，兩種風味都好正～個人特別鍾意黑松露醬，香氣好突出，點咩都好夾 ✨飲品揀咗荔枝爆爆梳打🍹，清甜得嚟又有爆珠，解膩一流！個蕃茄雜菜濃湯🍅都好驚喜，唔係求其沖劑湯，飲到蕃茄蓉同蔬菜粒，好足料～…查看更多

因為食過一次，突然記得呢間嘢，想食返，所以今日突登走過去，唔係住附近，行過去要差唔多20分鐘手打牛肉漢堡🍔，真係食到有肉汁同埋有筋，非常有咬口，同埋係好大舊牛，醬汁落得夠，突出牛味。跟住薯條🍟炸得非常脆口，雖然賣相睇落就嘛嘛地，但最緊要好食，我選咗個蜂蜜芥末醬，唔知道佢哋自家調定買返黎，反正喺好食嘅🤯星期六日一個set88蚊，配埋嘢飲，呢個質素算喺咁，自覺比外國嗰兩間貴價連鎖漢堡包店好食😆😆有機會會去幫襯第三次🤗…查看更多