果子｜海南雞飯·喇沙摻摻 (啟昌樓) (已結業)

一間小店位於太和，唔單止價錢相宜，三百幾蚊兩個人已經可以又海鮮又剩食到飽～小編試咗幾味菜都有驚喜！1️⃣海鮮喇沙煲⭐️⭐️⭐️⭐️海鮮雜錦煲有多款高級食材，例如大蝦、青口、蜆等。除咗海鮮本身嘅鮮味，配襯住地道喇沙汁，可以話係天作之合嘅配搭。作為馬拉頭幾位著名嘅菜式，估唔到香港嘅一間小店都可以調製到咁原汁原味，比當地餐廳有過之而無不及嘅水準！椰汁嘅份量恰到好處，濃郁嘅椰汁味充斥住味蕾每一個細胞，令大腦不由自主想食更多！2️⃣肉骨茶⭐️⭐️⭐️⭐️肉骨茶嘅用料上乘，除咗啲肉彈牙有肉味，口感又好又唔會太韌之餘，最緊要係個湯底tune得啱啱好，又香又上癮😋湯底唔會太鹹，用嚟送飯一流！3️⃣炸蝦餅及青口⭐️⭐️⭐️蝦餅炸得內脆內軟，金黃嘅外皮包住鮮甜嘅蝦餅，一字記之曰：掂！食完海鮮煲個青口欲罷不能，再叫一個淨青口煲，食返夠本為止😋總括而言，餐廳嘅食物都有相當高水平，飲品亦都沖得唔錯，珍珠奶茶同咖啡都好飲! 下次去嘅話再試下火山包或者其他招牌菜式，未去過嘅你值得一試！