鳥海山鐵板燒 (已搬遷) 新店位置

行完街，想搵地方食野，喺openrice見到呢間鐵板燒，就黎試下。入到間鋪頭，有種居酒屋嘅feel, 好和風。店員好nice咁幫我地落單。我地冇叫野飲，因為見杯茶都唔錯，就主要叫左野食。首先叫左個沙律，酸酸地好開胃。平時唔食沙律嘅朋友，都可以試下。之後係是日精選刺身，超好味。店員會講解每一款係咩刺身，每款都好鮮甜。鐵板燒鮑魚就好惹味，大大啖嘅鮑魚肉。 鵝肝多士入口即融，外脆內軟。多士又好脆。好好味！我最中意就係燒龍蝦超靚超好味呀。瘋狂打左陣卡先食。d龍蝦肉已經挑晒出黎，每塊都大大舊，食落好juicy，食到好濃嘅龍蝦膏味。肉質又好彈牙。推介呀！牛肉薄燒，肉包住蔥花，好香😍炒野菜，可能係用鐵板炒出黎，感覺特別好食。最後有個味噌湯和炒飯。炒飯粒粒金黃色，炒到好乾爽，加左d蔥，蝦仔和其他配料，好香好食。呢間餐廳真係好好味，下次會帶其他朋友黎食！