鳥海山鐵板燒 (已搬遷) 新店位置

第一次去到長沙灣食鐵板燒終於唔使出去九龍城同人迫今日早咗嚟座位未坐滿不過職員話平時記得book定位，😋返工咁辛苦梗係要食啲好嘢獎勵自己，今次我哋就選擇咗大蝦餐 648元 二人份量，每一樣餸都係熱辣辣剛剛煮起食物質素非常好入面完全冇油煙味，坐得舒適入面仲播埋音樂夠晒舒服🤣頭盤先嚟過開胃沙律,蕃茄仔生菜,加埋啲沙律醋酸酸甜甜味道清爽真係有特別開胃。😘比目魚比目魚size都好大,☺️魚肉煎到金黃色,肉質非常嫩滑,新鮮多汁,魚肉味香甜,魚皮煎到有少少焦香,口感非常爽脆。牛柳粒😊牛柳粒剛剛係一口食到嘅size,煎完嘅牛柳仲係好多肉汁非常juicy,火喉控制得啱啱好,入口牛肉味香濃,配上一旁嘅炸蒜,令到牛肉味道層次更加豐富。主菜大蝦😝大蝦嘅賣相真係好靚,上枱味道好香,廚師亦都好細心將蝦頭拆開煎香咗,咁樣就可以食到入面嘅蝦膏,蝦膏味道非常鮮甜,蝦味濃郁,每一口蝦膏都係享受,旁邊嘅蝦肉份量都好多,而且蝦嘅口感非常爽口彈牙,味道鮮甜,一隻蝦都可以煎到咁好食,證明廚師嘅功力有番咁上下。食完主菜都有啲飽,最後就上埋炒飯,炒野菜,麵豉湯,炒飯配野菜真係一絕,個炒飯都好好食,顏色望落去好吸引,而且味道好香,完全做