三鮮罐罐米線 ($58)
湯底用雲貴川香料熬製，飲落溫潤順喉，唔食辣嘅朋友都啱晒。最驚喜係配料超級豐富，有爽脆海帶絲、綠豆芽、青瓜片，仲有鵪鶉蛋、番茄同嫩滑豬潤，成個瓦罐載到滿滿，好滋潤好養生！
泡椒腰花麵 ($72)
必試招牌作！泡椒醬係老闆娘自家發酵，酸辣味天然濃郁，唔會死鹹。麵條特別訂製，煙煙韌韌掛汁力強，腰花處理得乾淨冇異味，爽脆得嚟吸盡泡椒精華。！
餐廳仲有另外一個糊辣殼系列，用炒香嘅辣椒製成，麻辣層次更豐富，留返下次試！
麻辣豬耳 ($38)
本身想試黃金皮蛋，但係老闆娘話太好賣賣晒，一個星期賣咗250隻😵
豬耳切得薄身爽脆，可揀辣同唔辣。麻辣醬汁香而不燥，食完嘴唇微微發麻好過癮。
紅豆冰豆花（$10） & 自家製酸梅湯（$20）
食完辣嘢必點呢個組合！豆花滑溜豆味濃，配香甜紅豆平衡辣感。酸梅湯真材實料，解膩一流。
1
1
