Le Garçon Saigon

營業中

休息中

今日同事話帶我地去呢間餐廳食好西，裝修好別緻，睇落仲以為係食法國菜，但原來係食越南菜。BUN THIT NUONG呢款係燒豬頸肉撈檬粉，配料有勁多新鮮芽菜同生菜，燒豬頸肉唔單止睇落好食，仲全部係厚切，肥瘦適中，燒得非常香口，推薦BUN BO NUONG呢款係和牛撈檬粉，和牛食落冇平時食開既咁漏，似一般既靚牛肉多d，味道同口感都唔錯COM TAM CHAY呢款係越南豆腐煎蛋碎米飯，同事轉左做撈檬，豆腐有種煙燻味而且有咬口，有驚喜哦Nan Vang Styles Salt and Pepper Chicken Wings呢款係加錢叫既椒鹽雞翼，係成餐最驚喜既菜式，炸到超級脆，雞肉好嫰滑，好味到想叫多碟呀GOI BAP CAI跟餐既雞絲沙律，椰菜爽口，雞絲份量都唔少，食落感覺好fresh Lunch set 每份198+10%，包沙律同主菜，真心貴。雞翼108+10%5隻，所以話食好西是要付出的靚靚法國風裝修，好似去左巴黎咁總結黎講，裝修好靚，服務唔錯，價錢真心貴，食物質素高，有興趣既不妨一試。