泰寫意

營業中

休息中

因為今日去探朋友路過興盛圍，因為有的餓只可以係呢個咁簡陋屋企商場揾野食。本來真係對呢度無咩期望，見到有間企理的泰國菜為有入去試下。餐廳的佈置一般，有點似茶記feel。不過坐位都算寛闊都算幾舒服算不錯。坐下睇睇餐牌，價錢好平比外面泰國菜平一大半。心想今次大件事一定超普通或者會難食。因為本人對海南鷄真係情有獨鍾，為有叫半隻試下再加個冬蔭功炒飯。半隻海南雞來到，一見賣相已經好吸引我。外表光滑色澤均勻，我忍唔住就一對筷子叉入去。入口滑溜口感豐富，認真講我試過好多快餐店及食市，仲有尖東有一間出名食海南雞飯都比唔起佢。好食到我仲外賣個一隻回家再食。第二就係冬蔭功炒飯。真係估唔到個味道更正。因為用左好多冬蔭功香料去炒，味道香口加上有微辣更野味。真係想再食多次。只係因為有一些香料需要夾走。但整體都係回味。認真呢間泰國菜由我行入去本來係無期望，但到我試完完全兩回事。難忘回憶一定會再去試。