影片
更多
2023-07-08
67 瀏覽
想搵間浪漫有情調既餐廳食Fine Dining一般都所費不菲，今次發掘到一間位於尖沙咀既隱世小店，由一眾年輕人主理，令大家可以用性價比高既價錢享用法式Fine Dining🥹 無論係服務﹑食材﹑味道﹑擺盤都充滿心思，用餐體驗令人難忘，值得幫襯👍🏻餐廳環境時尚優雅，座位寬敞。店員有禮又服務細心，不時主動過黎加水﹑收碟👍🏻 最近餐廳係openrice推出優惠，晚市訂座可以85折享用6道菜或9道菜套餐，仲配有餐包﹑petit four，性價比超高✅𝟔 𝐂𝐨𝐮𝐫𝐬𝐞 𝐃𝐢𝐧𝐧𝐞𝐫 𝐌𝐞𝐧𝐮 $𝟏,𝟎𝟖𝟎→$𝟗𝟏𝟖/𝐩𝐞𝐫𝐬𝐨𝐧♢ 🥖𝑭𝒓𝒆𝒆 𝑩𝒓𝒆𝒂𝒅餐廳提供既自家製麵包非常豐富！芝士脆片香脆可口；而法包﹑香草蕃茄包口感軟熟，配上自家製杏脯牛油更加香口😋 誠意十足！♢ 🥔𝑨𝒎𝒖𝒔𝒆 𝒃𝒐𝒖𝒄𝒉𝒆餐前小吃 ‧ 細細件賣相好別緻~ 薯片由餐廳用美國薯仔自家製，中間夾左已切碎既牛肋條，上面仲放有新鮮三文籽同caviar。薯片薄脆可口，加上軟腍既牛肋條，整體味道富有層次感，口感好特別！𝑨𝒑𝒑𝒆𝒕𝒊𝒛𝒆𝒓♢ 🎣𝑾𝒂𝒔𝒂𝒃𝒊 𝒕𝒖𝒏𝒂 𝒑𝒐𝒌𝒆 𝒎𝒂𝒄𝒂𝒓𝒐𝒏吞拿魚芥末馬卡龍 ‧ Macaron都係餐廳自
餐廳環境時尚優雅，座位寬敞。店員有禮又服務細心，不時主動過黎加水﹑收碟👍🏻 最近餐廳係openrice推出優惠，晚市訂座可以85折享用6道菜或9道菜套餐，仲配有餐包﹑petit four，性價比超高✅
𝟔 𝐂𝐨𝐮𝐫𝐬𝐞 𝐃𝐢𝐧𝐧𝐞𝐫 𝐌𝐞𝐧𝐮 $𝟏,𝟎𝟖𝟎→$𝟗𝟏𝟖/𝐩𝐞𝐫𝐬𝐨𝐧
♢ 🥖𝑭𝒓𝒆𝒆 𝑩𝒓𝒆𝒂𝒅
餐廳提供既自家製麵包非常豐富！芝士脆片香脆可口；而法包﹑香草蕃茄包口感軟熟，配上自家製杏脯牛油更加香口😋 誠意十足！
♢ 🥔𝑨𝒎𝒖𝒔𝒆 𝒃𝒐𝒖𝒄𝒉𝒆
餐前小吃 ‧ 細細件賣相好別緻~ 薯片由餐廳用美國薯仔自家製，中間夾左已切碎既牛肋條，上面仲放有新鮮三文籽同caviar。薯片薄脆可口，加上軟腍既牛肋條，整體味道富有層次感，口感好特別！
𝑨𝒑𝒑𝒆𝒕𝒊𝒛𝒆𝒓
♢ 🎣𝑾𝒂𝒔𝒂𝒃𝒊 𝒕𝒖𝒏𝒂 𝒑𝒐𝒌𝒆 𝒎𝒂𝒄𝒂𝒓𝒐𝒏
吞拿魚芥末馬卡龍 ‧ Macaron都係餐廳自家製，味道唔會太甜，口感輕盈。伴上吞拿魚粒﹑香草沙律，醬汁帶有少少芥末味，整體味道幾清新😋
♢ 🦆𝑭𝒐𝒊𝒆 𝒈𝒓𝒂𝒔 𝒕𝒆𝒓𝒓𝒊𝒏𝒆
鵝肝凍 ‧ 上菜時以乾冰整造煙霧彌漫既效果😍 打卡一流！鵝肝凍份量唔少，味道十分濃郁，口感細膩幼滑，配上麝香啫喱同竹炭脆片可以中和強烈既鵝肝味，呢個搭配又幾好，有驚喜呀✨
𝑺𝒐𝒖𝒑
♢ 🥣𝑪𝒓𝒆𝒂𝒎𝒚 𝒑𝒐𝒓𝒄𝒊𝒏𝒊 𝒔𝒐𝒖𝒑
香濃牛肝菌忌廉湯 ‧ 呢個湯擺盤好靚，食法都好講究架！店員建議我地先品嚐兩種唔同味道既湯底。先試一啖「羊肚菌清湯」，入口鮮甜；然後試一啖以普羅旺斯黑松露整成既「牛肚菌忌廉湯」，除左香氣十足，味道仲好濃郁添！然後可以將清湯倒至忌廉湯中攪拌，味道更加有層次感😍 最後可以食用旁邊煎過既杏黃菌﹑黑皮雞樅菌，口感爽脆有彈性，非常滿足😋
𝑨𝒑𝒑𝒆𝒕𝒊𝒛𝒆𝒓
♢ 🦐𝑫𝒆𝒆𝒑 𝒇𝒓𝒊𝒆𝒅 𝑨𝒓𝒈𝒆𝒏𝒕𝒊𝒏𝒂 𝒓𝒆𝒅 𝒑𝒓𝒂𝒘𝒏
脆炸阿根廷紅蝦 ‧ 估唔到今餐會食到矜貴既紅蝦，賣相咁有心思，即刻心心眼呀😍！餐廳以炸過既天使麵捲住紅蝦，蝦肉肉質結實，口感彈牙，鮮味比起一般海蝦濃郁😋 另外伴以巴馬臣芝士﹑香茅鼠尾草泡沫﹑椰菜花忌廉醬汁，將蝦肉醮上醬汁又有另一番味道✨
♢ 🦆𝑫𝒖𝒄𝒌 𝒄𝒐𝒏𝒇𝒊𝒕
香煎油封鴨 ‧ 不可或缺既法國菜之一🇫🇷 店員一打開玻璃蓋就煙霧繚繞，又係相機食先📸 成碟菜既香氣頗強烈，因為用過蘋果木煙燻，簡直色香味俱全🤤 油封鴨外皮香脆可口，肉質軟腍，鹹香味道十足。另外伴有布里芝士暖泡沫同薯蓉，夠哂飽肚~！
𝑷𝒂𝒍𝒂𝒕𝒆 𝑪𝒍𝒆𝒂𝒏𝒔𝒆𝒓
♢ 🍧𝑷𝒂𝒔𝒔𝒊𝒐𝒏𝒇𝒓𝒖𝒊𝒕 𝒔𝒐𝒓𝒃𝒆𝒕
熱情果雪葩 ‧ 黎到fine dining中段唔少得雪葩清一清味蕾。熱情果味道既雪葩好少見，配上紅石榴泡沫，味道酸甜，幾refreshing，可以準備品嚐下一道主菜~
𝑺𝒆𝒄𝒐𝒏𝒅 𝑴𝒂𝒊𝒏 𝑪𝒐𝒖𝒓𝒔𝒆
♢ 🐖𝑺𝒍𝒐𝒘 𝒑𝒐𝒂𝒄𝒉𝒆𝒅 𝒑𝒐𝒓𝒌 𝒍𝒐𝒊𝒏
慢煮BBQ豬柳 ‧ 豬柳份量都唔算少~ 店員介紹係用左西班牙豬柳，所以特登無煮至全熟，可以保持嫩滑口感，不得不讚廚師將火候掌握得好好👍🏻 醬汁配有烤紅甜椒醬﹑陳年黑醋幾特別，醮上醬汁更加香口😋
♢ 𝑫𝒆𝒔𝒔𝒆𝒓𝒕
甜品有兩款，賣相都十分精緻，真係充滿心思👍🏻 第一款單睇賣相真係估唔到係「燒香蕉配柚子雪糕」🍌 以柚子雪糕包住燒熱既香蕉，冷熱交融，口感超正！另一款係「芒果朱古力球」🍫 店員將熱朱古力倒上朱古力球後立刻融化，視覺效果滿分💯 朱古力味道濃郁香醇，唔會苦澀，入面加左新鮮芒果粒，伴以脆粒，整體口感豐富，令人印象深刻🥹
♢ ☁️𝑷𝒆𝒕𝒊𝒕 𝒇𝒐𝒖𝒓
最後Petit four以乾冰煙霧呈上，打卡一流✨ 甜品造型好似一舊雲咁，其實係以菠蘿同檸檬葉整成既雪葩棉花糖，鬆軟得黎又有少少雪葩既硬度，口感幾特別！另外仲有幾粒朱古力，真係sweet到爆~ 為呢餐畫上完美句號。
張貼
